വയനാട് : ഉരുള്‍പൊട്ടലില്‍ ദുരിതം നേരിടുന്ന കുടുംബങ്ങള്‍ക്ക് നഷ്ടപരിഹാരം നല്‍കണമെന്ന ആവശ്യവുമായി ഹൈക്കോടതിയില്‍ ഹര്‍ജി. മീനച്ചില്‍ സ്വദേശി ജയിംസ് വടക്കനാണ് ഈ ആവശ്യവുമായി ഹൈക്കോടതിയെ സമീപിച്ചത്.
ദുരിതബാധിതര്‍ക്ക് നഷ്ടപരിഹാരം നല്‍കുക, ഉരുള്‍പൊട്ടല്‍ മേഖലയിലുള്ളവരെ പുനരധിവസിപ്പിക്കുക, പ്രദേശത്തെ പാരിസ്ഥിതിക പ്രശ്‌നങ്ങള്‍ പഠിക്കാന്‍ വിദഗ്ധ സമിതിയെ നിയോഗിക്കുക എന്നിങ്ങനെ ഹര്‍ജിയില്‍ ആവശ്യമുണ്ട്. പ്രദേശത്തെ അനധികൃത നിര്‍മ്മാണം, ഖനനം , കയ്യേറ്റം എന്നിവ സിബിഐ പോലുള്ള ഏജന്‍സിയെക്കൊണ്ട് അന്വേഷിപ്പിക്കുക, ദുരന്തത്തിനിരയായവരുടെ കൃത്യമായ വിവരങ്ങളന്വേഷിക്കാന്‍ ഐ.ജി.റാങ്കിലുള്ള ഉദ്യോഗസ്ഥനെ നിയോഗിക്കുക, സംസ്ഥാനത്തോട് കൃത്യമായ ദുരന്തനിവാരണ പ്ലാന്‍ സമര്‍പ്പിക്കാന്‍ പറയുക എന്നിങ്ങനെയുളള ആവശ്യങ്ങളുമുണ്ട്.
വയനാട് ദുരന്തത്തില്‍ വെളളിയാഴ്ച ജനകീയ തെരച്ചലില്‍ നടത്തി.സൂചിപ്പാറ വെളളച്ചാട്ടത്തിന്റെ ഭാഗത്ത് മൂന്ന് മൃതദേഹവും ഒരു കാലും കണ്ടെത്തി.
