മലപ്പുറം: തിരൂരില്‍നിന്നും മത്സ്യബന്ധനത്തിനുപോയ തൊഴിലാളികള്‍ നടുക്കടലില്‍ അപകടത്തില്‍പെട്ടു. ശക്തമായ കാറ്റിനെയും മഴയെയും തുടര്‍ന്നാണ് ഇവരുടെ ബോട്ട് നടുക്കടലില്‍ അപകടത്തില്‍പെട്ടത്.
ഇവര്‍ സഞ്ചരിച്ചിരുന്ന ബോട്ടിന്റെ മേല്‍ക്കൂര തകര്‍ന്നു. വല കടലില്‍ ഉപേക്ഷിച്ചാണ് മത്സ്യത്തൊഴിലാളികള്‍ രക്ഷപ്പെട്ടത്.
അപകടത്തില്‍ പെട്ട 50 പേരും രക്ഷപ്പെട്ടതായി അധികൃതര്‍ അറിയിച്ചു. കാലാവസ്ഥ പ്രതികൂലമായതിനാല്‍ മത്സ്യത്തൊഴിലാളികള്‍ ജാഗ്രത പാലിക്കണമെന്ന് അധികൃതര്‍ പറഞ്ഞു.
