പാലക്കാട്: ചിറ്റൂര്‍ പുഴയില്‍ കുടുങ്ങിയ രണ്ടു കുട്ടികളേയും രക്ഷപ്പെടുത്തി കരയിലെത്തിച്ചു. അപകട വിവരം അറിഞ്ഞെത്തിയ അഗ്നിശമന സേനയും പൊലീസും ചേര്‍ന്നാണ് കുട്ടികളെ രക്ഷിച്ചത്.
കഴിഞ്ഞ ദിവസം അപകടമുണ്ടായ അതേ സ്ഥലത്താണ് കുട്ടികള്‍ കുടുങ്ങിയത്. സ്‌കൂള്‍ കുട്ടികളായ മൂന്നു പേരാണ് പുഴയില്‍ നടുവിലുളള പാറയില്‍ കുടുങ്ങിയത്. ഇതില്‍ ഒരാള്‍ പുഴയില്‍ നിന്നും രക്ഷപ്പെട്ടെങ്കിലും മറ്റു രണ്ട് പേരും പുഴയ്‌ക്ക് നടുവില്‍ പെടുകയായിരുന്നു. മീന്‍ പിടിക്കാനിറങ്ങിയപ്പോഴാണ് പുഴയുടെ നടുവില്‍ കുടുങ്ങിയതെന്ന് നാട്ടുകാര്‍ വെളിപ്പെടുത്തി..
കഴിഞ്ഞ ദിവസമാണ് ചിറ്റൂര്‍ പുഴയില്‍ കുടുങ്ങിയ നാല് പേരെ രക്ഷപ്പെടുത്തിയത് . പുഴയില്‍ കുളിക്കാനിറങ്ങിയ മൈസൂര്‍ സ്വദേശികളായ രണ്ട് യുവാക്കളേയും വയോധികരായ സ്ത്രീയേയും പുരുഷനേയും അഗ്നിശമന സേന കരയ്‌ക്കെത്തിച്ചൂ. മൂലത്തറ റെഗുലേറ്റര്‍ തുറന്നതോടെയാണ് ചിറ്റൂര്‍ പുഴയില്‍ വെള്ളം ഉയര്‍ന്നത്.
