കോട്ടയം: കോട്ടയം കൂരോപ്പട ഗ്രാമപഞ്ചായത്ത് പ്രസിഡന്റായി നറുക്കെടുപ്പിലൂടെ 17-ാം വാര്‍ഡ് അംഗം അമ്പിളി മാത്യൂ തെരഞ്ഞെടുക്കപ്പെട്ടു. അമ്പിളിക്കും എല്‍ഡിഎഫിലെ ദീപ്തി ദിലീപിനും ഏഴ് വോട്ടുകള്‍ വീതം ലഭിച്ചതിനെത്തുടര്‍ന്നാണ് നറുക്കെടുപ്പു നടത്തിയത്്. ബി.ഡി.ജെ.എസ് അംഗം ആശാ ബിനു അമ്പിളി മാത്യൂവിന് അനുകൂലമായി വോട്ട് ചെയ്തതോടെയാണ് വോട്ടുകള്‍ തുല്യമായത്. ബി.ജെ.പിയുടെ മൂന്ന് അംഗങ്ങള്‍ വോട്ടെടുപ്പില്‍ പങ്കെടുത്തില്ല. 17 വാര്‍ഡുകളുള്ള കൂരോപ്പട പഞ്ചായത്തില്‍ എല്‍ഡിഎഫ് -7, യുഡിഎഫ്- 6, ബിജെപി- 3, ബിഡിജെഎസ്- 1 എന്നിങ്ങനെയാണ് കക്ഷി നില. സി.പി.എമ്മിലെ ഷീലാ ചെറിയാന്‍ രാജി വച്ചതിനെ തുടര്‍ന്നാണ് തെരഞ്ഞെടുപ്പ് നടന്നത്.
