ന്യൂദല്ഹി: ലോക് സഭാ തെരഞ്ഞെടുപ്പില് ബിജെപിയ്ക്ക് സീറ്റ് കുറയാന് കാരണം വിദേശശക്തികളുടെ ഇടപെടലുകളാണെന്ന് കേന്ദ്ര കൃഷി മന്ത്രി ശിവരാജ് സിങ്ങ് ചൗഹാന്. ഏതാണ് ഈ വിദേശ ശക്തികളെ എന്ന് വ്യക്തമാക്കിയില്ലെങ്കിലും പ്രതിപക്ഷപാര്ട്ടികള്ക്കായാണ് ചില വിദേശദശക്തികള് ഇടപെട്ടതെന്നും ശിവരാജ് സിങ്ങ് ചൗഹാന്.
ആ വിദേശശക്തികള് ബിജെപി ഒരിയ്ക്കലും ജയിക്കരുതെന്ന് ആഗ്രഹിച്ചവരാണെന്നും ശിവരാജ് സിങ്ങ് ചൗഹാന് അഭിപ്രായപ്പെട്ടു. ഇതാണ് ബിജെപിയ്ക്ക് പ്രതീക്ഷിച്ച സീറ്റ് കിട്ടാതിരിക്കാന് കാരണമായതെന്നും ശിവരാജ് സിങ്ങ് ചൗഹാന് പറഞ്ഞു.
ലോക് സഭാ തെരഞ്ഞെടുപ്പില് ബിജെപിയുടെ സീറ്റ് കുറയാന് ഒരു കാരണം വിദേശശക്തികള് തന്നെയാണെന്ന് ബിജെപി നേതാവും രാജസ്ഥാനില് തെരഞ്ഞെടുപ്പ് ചുമതലക്കാരനുമായ ശിവരാജ് സിങ്ങ് ചൗഹാന് പറഞ്ഞു. ബിജെപിയുടെ സ്റ്റേറ്റ് വര്ക്കിംഗ് കമ്മിറ്റി യോഗത്തിലാണ് ഈ അഭിപ്രായപ്രകടനങ്ങള് ഇരുനേതാക്കളും നടത്തിയത്.
ലോക് സഭാ തെരഞ്ഞെടുപ്പ് ജൂണ് നാലിന് പുറത്തുവന്ന ശേഷം നടന്ന ആദ്യത്തെ സ്റ്റേറ്റ് വര്ക്കിംഗ് കമ്മിറ്റി യോഗമായിരുന്നു ഇത്. ഏകദേശം 8000 ബിജെപി ഭാരവാഹികള് യോഗത്തില് പങ്കെടുത്തു.
