കോഴിക്കോട് : മടപ്പള്ളി സര്ക്കാര് കോളേജ് വിദ്യാര്ത്ഥിനികളെ സീബ്രലൈനില് ബസിടിച്ച് തെറിപ്പിച്ച സംഭവത്തില് ഡ്രൈവറുടെ ലൈസന്സ് റദ്ദാക്കാനുള്ള നടപടി സ്വീകരിക്കുമെന്ന് മോട്ടോര് വാഹന വകുപ്പ് ഉദ്യോഗസ്ഥര് അറിയിച്ചു.
പത്തോളം വിദ്യാര്ത്ഥികളാണ് സീബ്ര ലൈന് മുറിച്ച് കടന്നത്. അപകടത്തില് മൂന്ന് വിദ്യാര്ത്ഥിനികള്ക്ക് പരിക്കേറ്റു. ഇവരുടെ പരിക്ക് ഗുരുതരമല്ല.ശ്രേയ, ഹൃദ്യ, ദേവിക എന്നിവര്ക്കാണ് പരിക്കേറ്റത്. കണ്ണൂര് -കോഴിക്കോട് റൂട്ടില് സര്വീസ് നടത്തുന്ന അയ്യപ്പന് എന്ന ബസാണ് ഇന്നലെവിദ്യാര്ത്ഥിനികളെ ഇടിച്ച് വീഴ്ത്തിയത്.
അപകടത്തിന്റെ സി സി ടി വി ദൃശ്യങ്ങള് പുറത്തുവന്നിട്ടുണ്ട്.വിദ്യാര്ത്ഥിനികളെ ഇടിച്ച് വീഴ്ത്തിയ ഉടനെ ഡ്രൈവറും കണ്ടക്ടറും ബസില് നിന്ന് ഇറങ്ങി ഓടുന്നതും ദൃശ്യത്തിലുണ്ട്.
ഇന്നലെയാണ് സീബ്ര ലൈനിലൂടെ റോഡ് മുറിച്ച് കടന്ന വിദ്യാര്ത്ഥിനികളെ സ്വകാര്യ ബസ് ഇടിച്ചത്.
