- വിശദവവിരങ്ങള്: https://agnipathvayu.cdac.in ല്
- യോഗ്യത: 50% മാര്ക്കില് കുറയാതെ പ്ലസ്ടു അല്ലെങ്കില് ത്രിവത്സര എന്ജിനീയറിങ് ഡിപ്ലോമ
- അവിവാഹിതരായ പുരുഷന്മാര്ക്കും വനിതകള്ക്കും അവസരം; നിയമനം 4 വര്ഷത്തേക്ക്സെ
- ലക്ഷന്- ഓണ്ലൈന് ടെസ്റ്റ്, ഫിസിക്കല് ഫിറ്റ്നസ് ടെസ്റ്റ്, അഡാപ്റ്റബിലിറ്റി ടെസ്റ്റ്, മെഡിക്കല് ടെസ്റ്റ് അടിസ്ഥാനത്തില്
വ്യോമസേനയില് ‘അഗ്നിവീര് വായു’ തസ്തികയില് 02/2025 വര്ഷത്തേക്കുള്ള തെരഞ്ഞെടുപ്പിനായി അപേക്ഷകള് ക്ഷണിച്ചു. അവിവാഹിതരായ പുരുഷന്മാര്ക്കും വനിതകള്ക്കുമാണ് അവസരം. വിശദവിവരങ്ങളടങ്ങിയ വിജ്ഞാപനം https://agnipathvayu.cdac.in ല്നിന്നും ഡൗണ്ലോഡ് ചെയ്യാം. സെലക്ഷന് ടെസ്റ്റ് 2024 ഒക്ടോബര് 18 ന് ആരംഭിക്കും. യോഗ്യരായ ഉദ്യോഗാര്ത്ഥികള്ക്ക് ജൂലൈ 8 രാവിലെ 11 മുതല് 28 വരെ ഓണ്ലൈനായി രജിസ്റ്റര് ചെയ്യാം. നാലുവര്ഷത്തേക്കാണ് നിയമനം.
യോഗ്യത: 2004 ജൂലൈ 3 നും 2008 ജനുവരി 3 നും മധ്യേ ജനിച്ചവരാകണം. 21 വയസ് കവിയാന് പാടില്ല. അവിവാഹിതരായിരിക്കണം. പുരുഷന്മാരെയും വനിതകളെയും പരിഗണിക്കും. സേവന കാലയളവില് വിവാഹം പാടില്ല.
മാത്തമാറ്റിക്സ്, ഫിസിക്സ്, ഇംഗ്ലീഷ് വിഷയങ്ങളോടെ ഹയര് സെക്കന്ററി/പ്ലസ്ടു/തത്തുല്യ ബോര്ഡ് പരീക്ഷ മൊത്തം 50 ശതമാനം മാര്ക്കില് കുറയാതെ വിജയിച്ചിരിക്കണം. ഇംഗ്ലീഷിന് 50% മാര്ക്കില് കുറയാതെയുണ്ടാകണം. അല്ലെങ്കില് ത്രിവത്സര എന്ജിനീയറിങ് ഡിപ്ലോമ (മെക്കാനിക്കല്/ഇലക്ട്രിക്കല്/ഇലക്ട്രോണിക്സ്/ഓട്ടോമൊബൈല്/കമ്പ്യൂട്ടര് സയന്സ്/ഇന്സ്ട്രുമെന്റേഷന് ടെക്നോളജി/ഐടി) മൊത്തം 50% മാര്ക്കോടെ പാസായിരിക്കണം. ഡിപ്ലോമ/മെട്രിക്കുലേഷന്/ഹയര് സെക്കന്ററി തലത്തില് ഇംഗ്ലീഷിന് 50% മാര്ക്കില് കുറയാതെയുണ്ടാകണം. ശാസ്ത്രേതര വിഷയങ്ങളില്/സ്ട്രീമില് പ്ലസ്ടു/വിഎച്ച്എസ്ഇ/തത്തുല്യ പരീക്ഷ മൊത്തം 50 ശതമാനം മാര്ക്കോടെ വിജയിച്ചിട്ടുള്ളവര്ക്കും അപേക്ഷിക്കാം. ഇംഗ്ലീഷിനും 50% മാര്ക്കില് കുറയാതെ വേണം.
ഉയരം പുരുഷന്മാര്ക്ക് 152.5 സെ.മീറ്ററില് കുറയാതെയും വനിതകള്ക്ക് 152 സെ.മീറ്ററില് കുറയാതെയും ഇതിനനുസൃതമായ ഭാരവും ഉണ്ടാകണം. നെഞ്ചളവ് പുരുഷന്മാര്ക്ക് 77 സെ.മീറ്ററില് കുറയരുത്. വികാസശേഷി പുരുഷന്മാര്ക്കും വനിതകള്ക്കും 5 സെ.മീറ്ററില് കുറയാതെ വേണം. നല്ല കാഴ്ച/കേള്വിശക്തിയുണ്ടാകണം. വൈകല്യങ്ങള് പാടില്ല. മെഡിക്കല്, ഫിസിക്കല് ഫിറ്റ്നസുണ്ടായിരിക്കണം. സെലക്ഷന്: ഓണ്ലൈന് ടെസ്റ്റ്, ഫിസിക്കല്ഫിറ്റ്നസ് ടെസ്റ്റ്, അഡാപ്റ്റബിലിറ്റി ടെസ്റ്റ്, വൈദ്യപരിശോധന എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. വിശദമായ സെലക്ഷന് നടപടികള് വിജ്ഞാപനത്തിലുണ്ട്. തെരഞ്ഞെടുക്കപ്പെടുന്നവര്ക്ക് മിലിട്ടറി പരിശീലനം നല്കി നിയമിക്കും. ആദ്യവര്ഷം പ്രതിമാസം 30,000 രൂപ, രണ്ടാം വര്ഷം 33,000 രൂപ, മൂന്നാം വര്ഷം 36500 രൂപ, നാലാം വര്ഷം 40,000 രൂപ എന്നിങ്ങനെയാണ് ശമ്പളം.
തുകയുടെ 30% കോര്പ്പറേറ്റ് ഫണ്ടിലേക്ക് പിടിക്കും. സേവന കാലാവധി പൂര്ത്തിയായി പിരിഞ്ഞുവരുമ്പോള് സേവാനിധിയായി 10.04 ലക്ഷം രൂപ നല്കുന്നതാണ്. ഗ്രാറ്റുവിറ്റിയോ പെന്ഷേനാ ലഭിക്കില്ല. എയര്മെന് തസ്തികയില് സ്ഥിരം ജോലിക്ക് അപേക്ഷിക്കാന് അര്ഹതയുണ്ട്. സേവന മികവ് പരിഗണിച്ച് 25% പേര്ക്ക് സ്ഥിര നിയമനത്തിന് അര്ഹതയുണ്ടായിരിക്കും.
