തിരുവനന്തപുരം: ജര്‍മനിയിലേക്കും ജര്‍മന്‍ ഭാഷ സംസാരിക്കുന്ന മറ്റ് രാജ്യങ്ങളിലേക്കും ആരോഗ്യ മേഖലയിലേയും ഇതര മേഖലകളിലേയും നൈപുണ്യ മികവുളള പ്രൊഫഷണലുകളെ റിക്രൂട്ട് ചെയ്യുന്നതിനായി നോര്‍ക്ക റൂട്ട്സും യൂറോപ്പിലെ പ്രമുഖ സ്വകാര്യ റിക്രൂട്ട്മെന്റ് പ്ലാറ്റ്ഫോമായ കെയര്‍ ഗേറ്റ്സുമായി കരാര്‍ ഒപ്പുവച്ചു. നോര്‍ക്ക റൂട്ട്സ് ചീഫ് എക്സിക്യൂട്ടീവ് ഓഫീസര്‍ അജിത് കോളശ്ശേരിയും കെയര്‍ ഗേറ്റ്സ് ചീഫ് എക്സിക്യൂട്ടീവ് ഓഫീസര്‍ ഫിറുസ് മെറ്റ്ലറുമാണ് കരാര്‍ കൈമാറിയത്. ഇതുവഴി നഴ്സുമാര്‍, ആരോഗ്യ മേഖലയിലെ മറ്റ് പ്രൊഫഷണലുകള്‍, ആരോഗ്യ ഇതര മേഖലകളിലെ പ്രൊഫഷണലുകള്‍, ടെക്നീഷ്യന്‍സ്, ബസ് ഡ്രൈവേഴ്സ് തുടങ്ങിയവര്‍ക്കാണ് റിക്രൂട്ട്മെന്റ് സാധ്യത.
തിരഞ്ഞെടുക്കപ്പെടുന്നവര്‍ക്ക് ബി 2 ലെവല്‍ വരെ സൗജന്യ ജര്‍മ്മന്‍ ഭാഷാ പരിശീലനം, സൗജന്യ ഹോസ്റ്റല്‍ സൗകര്യം ജര്‍മ്മനിയിലെത്തിയ ശേഷമുളള പിന്തുണ എന്നിവയെല്ലാം പദ്ധതിവഴി ലഭിക്കും. ഇതിനോടകം ജര്‍മ്മന്‍ ഭാഷയില്‍ ബി 2 യോഗ്യത നേടിയ നേഴ്സ്മാര്‍ക്ക് ഫാസ്റ്റ് ട്രാക്ക് പ്രോഗ്രാമിലൂടെ നിയമനം വേഗത്തിലാക്കുവാന്‍ സഹായിക്കും. റിക്രൂട്ട്മെന്റ് നടപടികള്‍ ഉദ്യോഗാര്‍ത്ഥികള്‍ക്ക് പൂര്‍ണ്ണമായും സൗജന്യമായിരിക്കും.
ജര്‍മനിയിയില്‍ ആരോഗ്യമേഖലയിലടക്കം റിക്രൂട്ട്മെന്റ് : നോര്‍ക്ക റൂട്ട്സ് യൂറോപ്പിലെ കെയര്‍ ഗേറ്റ്സുമായി കരാര്‍ ഒപ്പുവച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.