ന്യൂദൽഹി: ടിബറ്റൻ ആത്മീയ നേതാവ് ദലൈലാമയുടെ 89-ാം ജന്മദിനത്തിൽ പ്രധാനമന്ത്രി നരേന്ദ്ര മോദി അദ്ദേഹത്തിന് ആശംസകൾ നേർന്നു. കാൽമുട്ടിന് ശസ്ത്രക്രിയയെ തുടർന്ന് വേഗത്തിൽ അദ്ദേഹം സുഖം പ്രാപിക്കട്ടെയെന്ന് ആശംസിച്ചു.
ദലൈലാമയുടെ 89-ാം ജന്മദിനത്തിൽ അദ്ദേഹത്തിന് എന്റെ ആശംസകൾ അയച്ചതായി എക്സിൽ മോദി പറഞ്ഞത്. കാൽമുട്ടിലെ ശസ്ത്രക്രിയയ്ക്ക് ശേഷം അദ്ദേഹം വേഗത്തിൽ സുഖം പ്രാപിക്കുന്നതിനും നല്ല ആരോഗ്യത്തിനും ദീർഘായുസ്സിനും വേണ്ടി പ്രാർത്ഥിക്കുന്നതായും പ്രധാനമന്ത്രി പറഞ്ഞു.
ലോകമെമ്പാടും അനുയായികളുള്ള പരക്കെ ആദരിക്കപ്പെടുന്ന ഒരു മതവിശ്വാസിയാണ് ദലൈലാമ. ടിബറ്റിനെ ചൈന പിടിച്ചടക്കിയതിനെത്തുടർന്ന് രക്ഷപ്പെട്ട അദ്ദേഹം 1959 മുതൽ ഇന്ത്യയിൽ പ്രവാസ ജീവിതം നയിക്കുകയാണ്.
കാൽമുട്ട് മാറ്റിവയ്ക്കൽ ശസ്ത്രക്രിയയിൽ നിന്ന് സുഖം പ്രാപിക്കുന്ന അദ്ദേഹം ഇപ്പോൾ യുഎസിലാണ്. തന്റെ ജന്മദിന സന്ദേശത്തിൽ, താൻ ശാരീരികമായി യോഗ്യനാണെന്നും ഭഗവാൻ ബുദ്ധന്റെ പഠിപ്പിക്കലുകളോടുള്ള തന്റെ സേവനം തുടരാൻ തീരുമാനിച്ചതായും അദ്ദേഹം പറഞ്ഞു.
