അടൂര്‍: ടിക്കറ്റെടുക്കാതെ യാത്ര ചെയ്തത് ചോദ്യം ചെയ്ത കെഎസ്ആര്‍ടിസി കണ്ടക്ടര്‍ക്കുനേരെ യാത്രക്കാരന്റെ അസഭ്യം വിളി.കായംകുളം-അടൂര്‍ റൂട്ടില്‍ ഓടുന്ന കെഎസ്ആര്‍ടിസി ബസിലെ കണ്ടക്ടര്‍ മനീഷിനാണ് ദുരനുഭവം.
സംഭവത്തില്‍ കൊട്ടാരക്കര മൈലം എസ്ജി കോട്ടേജില്‍ ഷിബുവിനെതിരെ കണ്ടക്ടറെ അസഭ്യം വിളിച്ചതിനും കൃത്യനിര്‍വഹണം തടസപ്പെടുത്തിയതിനും അടൂര്‍ പൊലീസ് കേസെടുത്തു.
ശനിയാഴ്ച രാത്രി 8.45ഓടെ പഴകുളം ഭാഗത്തായിരുന്നു സംഭവം. ടിക്കറ്റ് മെഷിനിലെ കണക്കും ബസിലെ യാത്രക്കാരുടെ കണക്കും തമ്മില്‍ വ്യത്യാസം കണ്ടതിനെ തുടര്‍ന്ന് കണ്ടക്ടര്‍ ഓരോ യാത്രക്കാരുടെയും അടുത്തെത്തി ആരെങ്കിലും ടിക്കറ്റ് എടുക്കാത്തതായിട്ടുണ്ടോയെന്ന് അന്വേഷിച്ചു.
ഇതിനിടയിലാണ് ടിക്കറ്റ് എടുക്കാതിരുന്ന ഷിബു കണ്ടക്ടര്‍ക്കു നേരെ തിരിഞ്ഞത്.
