ആലപ്പുഴ: വിദേശരാജ്യങ്ങളിലെ കപ്പലുകളിലേക്ക് ആളുകളെ റിക്രൂട്ട് ചെയ്യുന്നു എന്ന് പറഞ്ഞു തട്ടിപ്പ് നടത്തിയ മഹാരാഷ്ട്ര സ്വദേശി പിടിയില്. അനില് ഭഗവാന് പഗാരെയാണ് പിടിയിലായത്. നാസിക്കില് ഗ്ലോബല് മൊബിലിറ്റി എന്ന സ്ഥാപനം നടത്തുകയും വിദേശരാജ്യങ്ങളിലെ കപ്പലുകളിലേക്ക് ആളുകളെ റിക്രൂട്ട് ചെയ്യുന്നു എന്ന് പറഞ്ഞു നിരവധി ആളുകളുടെ അടുത്തു നിന്നും പണം സ്വീകരിച്ച് തട്ടിപ്പ് നടത്തുകയായിരുന്നു.
രാമങ്കരി പോലീസ് സ്റ്റേഷനില് രജിസ്റ്റര് ചെയ്ത കേസില് ഇയാളെ മഹാരാഷ്ട്രയിലെ നാസിക്കിലെ ശ്രീറാംപൂരിനടുത്തുള്ള പൊങ്കല്വസ്തി എന്ന സ്ഥലത്ത് നിന്നാണ് അറസ്റ്റ് ചെയ്തത്. ഇയാള് 2019-20 കാലഘട്ടത്തില് ഗോവയിലെ ജയിലില് ശിക്ഷ അനുഭവിച്ചിട്ടുണ്ട്. രാമങ്കരി ഇന്സ്പെക്ടര് പ്രദീപ് ജെ, സബ് ഇന്സ്പെക്ടര് ഷൈലകുമാര്, എഎസ്ഐമാരായ പ്രേംജിത്ത്, റിജോ എന്നിവര് അടങ്ങിയ സംഘമാണ് പ്രതിയെ അറസ്റ്റ് ചെയ്തത്.
