പത്തനംതിട്ട : തിരുവല്ലയില് ബാര് പരിസരത്ത് കൂട്ടയടിയെ തുടര്ന്ന് ബാര് ജീവനക്കാരടക്കം ആറ് പേര്ക്കെതിരെ കേസ്. ബാറിനുള്ളില് ഉണ്ടായ തര്ക്കമാണ് പുറത്ത് കൂട്ടയടിയില് കലാശിച്ചത്.തിരുവല്ല വളഞ്ഞവട്ടം ഇന്ദ്രപ്രസ്ഥ ബാറിലാണ് സംഭവം.
തിങ്കളാഴ്ച രാത്രിയാണ് സംഭവം. കൈമുട്ട് മറ്റൊരാളുടെ ദേഹത്ത് തട്ടിയതിനെ തുടര്ന്നുണ്ടായ തര്ക്കമാണ് വലിയ അടിപിടിയിലേക്ക് എത്തിയത്.ഒടുവില് ബാര് ജീവനക്കാരും അടിപിടിയില് പങ്കാളികളായി.
ഒരാള്ക്ക് താക്കോല്ക്കൂട്ടം കൊണ്ട് ഇടിച്ചതിനെ തുടര്ന്ന് മുഖത്ത് പരിക്കേറ്റു. ഇയാള് നല്കിയ പരാതിയിലാണ് ആറ് പേര്ക്കെതിരെ കേസെടുത്തത്.
ബാര് ജീവനക്കാര് ഉള്പ്പെടെ പ്രതികളാണ്. ബാര് ജീവനക്കാര് ഇടപെട്ട് പ്രശ്ന പരിഹാരം ഉണ്ടാക്കിയെങ്കിലും ആറ് പേര്ക്കെതിരെ തിരുവല്ല പൊലീസ് കേസെടുത്തു.
