കൊളോഗ്നെ: വിധി നിര്ണയിക്കുമായിരുന്ന പോരാട്ടത്തില് വിജയം സ്വന്തമാക്കി ബെല്ജിയം. ഇന്നലെ പുലര്ച്ചെ നടന്ന യൂറോ കപ്പ് ഗ്രൂപ്പ് ഇയിലെ പോരാട്ടത്തില് റൊമേനിയയെ ആണ് തോല്പ്പിച്ചത്. രണ്ട് പകുതികളുലുമായി നേടിയ എതിരില്ലാത്ത രണ്ട് ഗോളുകള്ക്കായിരുന്നു ബെല്ജിയം വിജയം.
മത്സരത്തിന്റെ തുടക്കത്തിലേ യൂറി ടീലെമാന്സ് ആദ്യ ഗോള് നേടി. മത്സരം തുടങ്ങി രണ്ടാം മിനിറ്റിലായിരുന്നു. ഇത്. വിജയം ഉറപ്പിച്ച രണ്ടാം ഗോള് പിറന്നത് കളിക്ക് 80 മിനിറ്റെത്തിയപ്പോഴാണ്. യൂറോപ്യന് ഫു്ടബോളിലെ സൂപ്പര് താരം കെവിന് ഡിബ്രൂയിനെ ആണ് 80-ാം മിനിറ്റിലെ ഈ ഗോള് നേടിയത്.
ഇതോടെ മറ്റ് ടീമുകള്ക്കൊപ്പം മൂന്ന് പോയിന്റ് നേടിയ ബെല്ജിയം ഗ്രൂപ്പ് ഇയില് ഗോള് വ്യത്യാസത്തിന്റെ അടിസ്ഥാനത്തില് രണ്ടാം സ്ഥാനത്തേക്ക് ഉയര്ന്നു. ഉക്രൈയനെതിരെ ബുധനാഴ്ചയാണ് ടീമിന്റെ അവസാന ഗ്രൂപ്പ് പോരാട്ടം.
