ന്യൂദല്‍ഹി :സിഎസ്‌ഐആര്‍ യുജിസി നെറ്റ് പരീക്ഷ മാറ്റിവെച്ചു. ഈ മാസം 25 മുതല്‍ 27 വരെ നടക്കാനിരിക്കുന്ന പരീക്ഷയാണ് മാറ്റിവെച്ചത്.
ഒഴിവാക്കാനാകാത്ത സാഹചര്യങ്ങളും ലോജിസ്റ്റിക്സ് പ്രശ്നങ്ങളും മൂലമാണ് പരീക്ഷ മാറ്റിവെക്കുന്നത് എന്നാണ് ഔദ്യോഗിക വിശദീകരണം. പുതുക്കിയ തീയതി പിന്നീട് അറിയിക്കും.
നേരത്തേ യു.ജി.സി. നെറ്റ് പരീക്ഷ റദ്ദാക്കിയിരുന്നു. പരീക്ഷാനടത്തിപ്പില്‍ വീഴ്ചകളുണ്ടായെന്ന വിവരം നാഷണല്‍ സൈബര്‍ ക്രൈം ത്രെട്ട് അനലിറ്റിക്സ് യൂണിറ്റില്‍നിന്ന് യു.ജി.സിക്ക് ലഭിച്ചതിനെ തുടര്‍ന്നാണിത്. പുതിയ പരീക്ഷാ തീയതി പിന്നീട് അറിയിക്കും. വിഷയത്തില്‍ അന്വേഷണം നടത്താന്‍ സി.ബി.ഐയെ ചുമതലപ്പെടുത്തി.
