തിരുവനന്തപുരം: രാഹുല്‍ ഗാന്ധി വയനാട്ടിലെ ജനങ്ങളെ വഞ്ചിച്ചതായി മുന്‍ കേന്ദ്രമന്ത്രിയും ബിജെപി നേതാവുമായ വി. മുരളീധരന്‍. രാഹുല്‍ ഒരുതരത്തിലുള്ള നീതിയും ജനാധിപത്യമര്യാദയും കേരളത്തിലെ ജനങ്ങളോട് കാട്ടിയില്ലെന്ന് അദ്ദേഹം വിമര്‍ശിച്ചു.
പോളിംഗ് കഴിയുന്നതുവരെ റായ്ബറേലിയില്‍ മത്‌സരിക്കാനുള്ള തീരുമാനം രാഹുല്‍ പുറത്തുവിട്ടില്ല. താന്‍ ജയിച്ചാല്‍ വയനാട്ടിലെ ജനപ്രതിനിധിയായി ഉണ്ടാകുമെന്ന പ്രതീതി സൃഷ്ടിച്ചു. എന്നാല്‍ വോട്ടിംഗ് കഴിഞ്ഞയുടന്‍, നാമനിര്‍ദേശപത്രിക സമര്‍പ്പിക്കാനുള്ള അവസാന ദിവസം റായ്ബറേലിയില്‍ എത്തി സ്ഥാനാര്‍ഥിയായി. വിഷയത്തില്‍ കോണ്‍ഗ്രസിന്റെയും യുഡിഎഫിന്റെയും നേതാക്കന്‍മാരുടെ അഭിപ്രായം അറിയണമെന്നാഗ്രഹം ഉണ്ടെന്നും മുരളീധരന്‍ പറഞ്ഞു .
വരുന്ന തെരഞ്ഞെടുപ്പില്‍ വയനാട്ടുകാര്‍ ഈ നിലപാടിന് തിരിച്ചടി നല്‍കണമെന്നും അദ്ദേഹം ആവശ്യപ്പെട്ടു. എന്‍ഡിഎയ്‌ക്കായി ബിജെപി സ്ഥാനാര്‍ഥി രംഗത്തുണ്ടാകുമെന്നും അദ്ദേഹം കൂട്ടിച്ചേര്‍ത്തു.
