ഫ്‌ലോറിഡ: യുഎസ് മുന്‍ പ്രസിഡന്റും പ്രസിഡന്റ് തിരഞ്ഞെടുപ്പിലെ സ്ഥാനാര്‍ഥിയുമായ ഡോണാള്‍ഡ് ട്രംപ് 78-ാം ജന്മദിനം ആഘോഷിച്ചു.
ഫ്‌ലോറിഡയില്‍ ട്രംപിന്റെ മാര്‍-എ-ലാഗോ വസതിക്ക് സമീപമുള്ള വെസ്റ്റ് പാം ബീച്ചിലെ കണ്‍വെന്‍ഷന്‍ സെന്ററിലായിരുന്നു ആഘോഷം. ആഘോഷങ്ങളോടനുബന്ധിച്ച് കാണികള്‍ ചുവപ്പും നീലയും നിറമുളള ബലൂണുകള്‍ പറത്തി.
പിറന്നാള്‍ ആഘോഷത്തിനായി വലിയ കേക്കും ഒരുക്കി. ഇതില്‍ ‘മേക്ക് അമേരിക്ക ഗ്രേറ്റ് എഗെയ്ന്‍’ എന്ന വാചകവും എഴുതിയിരുന്നു. താന്‍ ഇതുവരെ നടത്തിയതില്‍ വച്ച് ഏറ്റവും വലിയ ജന്മദിന പാര്‍ട്ടിയാണിതെന്ന് ട്രംപ് പറഞ്ഞു.
നമ്മുടെ രാജ്യം കഴിവില്ലാത്ത ആളുകള്‍ നശിപ്പിക്കുകയാണെന്ന് പറഞ്ഞ് ജോ ബൈഡനെ പരിഹസിക്കുകയും ചെയ്തു ഡൊണാള്‍ഡ് ട്രംപ്.
