അങ്കമാലി: അങ്കമാലിയില്‍ ഒരു വീട്ടില്‍ തീപിടിത്തത്തെ തുടര്‍ന്ന് മരിച്ച ഒരു കുടുംബത്തിലെ നാലു പേരും എസി ലീക്കായതിനെ തുടര്‍ന്നുള്ള പുക ശ്വസിച്ചിരുന്നതായി കണ്ടെത്തല്‍. ഈ വിഷപ്പുക ശ്വസിച്ച് അച്ഛനും ന്റെയും അമ്മയുടെയും രണ്ടു കുഞ്ഞുങ്ങളുടെയും ശ്വാസകോശങ്ങളില്‍ ഒരു പോലെ കേടുപാടുകളുണ്ടായിരുന്നു.
അങ്കമാലിയിലെ അങ്ങാടിക്കടവിലെ പാറക്കുളത്തുള്ള വീട്ടിലെ നാല് പേരാണ് മരിച്ചത്. കളമശേരി മെഡിക്കല്‍ കോളെജില്‍ നടത്തിയ പോസ്റ്റ് മോര്‍ട്ടത്തിലാണ് ഈ ഞെട്ടിക്കുന്ന കണ്ടെത്തല്‍. മരണത്തിന് മുന്‍പ് ഈ നാല് പേരും പുക ശ്വസിച്ച് അബോധാവസ്ഥയിലായിപ്പോയിരുന്നു.
ബിനീഷ് കുര്യന്‍ (45), ഭാര്യ അനുമോള്‍ മാത്യു (40), മക്കളായ ജൊവാന (8), ജാസ്മിന്‍ (5) എന്നിവരാണ് മരിച്ചത്.എസി ലീക്ക് യാദൃച്ഛികമാണോ കൃത്രിമമായി ഉണ്ടാക്കിയതാണോ എന്നും പരിശോധിക്കുന്നു. എന്തായാലും നാല് പേരും എസി പുക ഒരു പോലെ ശ്വസിച്ചിട്ടുണ്ടെന്ന് പോസ്റ്റ് മോര്‍ട്ടം റിപ്പോര്‍ട്ട് പറയുന്നു.
