വയനാട് : മാനനന്തവാടിയിൽ അനധികൃതമായി ഇന്ത്യൻ നിർമ്മിത വിദേശമദ്യം വിൽപ്പന നടത്തിയ കേസിൽ യുവാവ് അറസ്റ്റിൽ. പേരിയ അയനിക്കൽ പുതുശേരി വീട്ടിൽ കെ.സി. ജിനുവിനെയാണ് എക്സൈസ് അറസ്റ്റ് ചെയ്തത്. എക്സൈസ് ഉദ്യോഗസ്ഥർ അയനിക്കൽ പ്രദേശത്ത് നടത്തിയ പരിശോധനയിൽ ആണ് ഇയാൾ അറസ്റ്റിലായത്.
മൂന്ന് ലിറ്റർ മദ്യവും മദ്യവിൽപ്പന നടത്തി കിട്ടിയ 4800 രൂപയും ഇയാളിൽ നിന്ന് കണ്ടെടുത്തതായി ഉദ്യോഗസ്ഥർ അറിയിച്ചു. 2023 മാർച്ചിൽ പന്ത്രണ്ട് ലിറ്റർ മദ്യം ഓട്ടോയിൽ കടത്തിയ കേസിൽ ഇയാളെ അറസ്റ്റ് ചെയ്തിരുന്നു. അന്ന് പ്രതി സഞ്ചരിച്ച ഓട്ടോറിക്ഷയടക്കം സർക്കാരിലേക്ക് കണ്ടുകെട്ടിയിരുന്നു.
