പെരുമ്പാവൂർ : മോഷണക്കേസിൽ ‘ഡ്രാക്കുള സുരേഷ് വീണ്ടും പോലീസ് പിടിയിൽ. ആലുവയിലെ ഗോൾഡൻ ലൂബ്സ് എന്ന സ്ഥാപനത്തിൽ മോഷണം നടത്തിയതിനാണ് കുന്നത്തുനാട് ഐക്കരനാട് ചെമ്മല കോളനിയിൽ കണ്ടോലിക്കുടി വീട്ടിൽ സുരേഷ് (ഡ്രാക്കുള സുരേഷ് 39 ) നെ ആലുവ പോലീസ് അറസ്റ്റുചെയ്ത് .
കടയിലുണ്ടായിരുന്നയാൾ ഉച്ച ഭക്ഷണം കഴിച്ച് കൈ കഴുകുന്നതിന് പുറത്തുപോയ സമയം മേശവലിപ്പിൽ സൂക്ഷിച്ചിരുന്ന 26000 രൂപ മോഷ്ടിക്കുകയായിരുന്നു. പണം ഇയാളിൽ നിന്ന് കണ്ടെടുത്തു. നിരവധി മോഷണക്കേസുകളിൽ ശിക്ഷ അനുഭവിച്ചിട്ടയാളാണ്.
കുന്നത്തുനാട്, മൂവാറ്റുപുഴ, ഹിൽ പാലസ്, പുത്തൻകുരിശ്, ചോറ്റാനിക്കര, പെരുമ്പാവൂർ, ആലുവ, എറണാകുളം സെൻട്രൽ തുടങ്ങിയ സ്റ്റേഷനുകളിൽ മോഷണം, മയക്കുമരുന്ന് ഉൾപ്പടെ ഇരുപത്തിയഞ്ചോളം കേസുകളിൽ പ്രതിയാണ്.
കറങ്ങി നടന്ന് മോഷണം നടത്തലാണ് ഇയാളുടെ രീതി. സ്ഥാപനങ്ങളും മറ്റും നോക്കി വച്ച് ആളുമാറിക്കഴിയുമ്പോൾ മോഷണം നടത്തി രക്ഷപ്പെടുകയാണ് ചെയ്യുന്നത് . ഇൻസ്പെക്ടർ എം.എം മഞ്ജു ദാസിന്റെ നേതൃത്വത്തിലാണ് അന്വേഷണം നടക്കുന്നത്.
