ന്യൂദല്‍ഹി: മൂന്നാമതും എന്‍ഡിഎയെ അധികാരത്തില്‍ എത്തിച്ചതിന് ജനങ്ങളോട് നന്ദി പറഞ്ഞ് പ്രധാനമന്ത്രി മോദി. മൂന്നാമതും എന്‍ഡിഎയില്‍ വിശ്വാസം അര്‍പ്പിച്ചതില്‍ നന്ദിയുണ്ടെന്നും മോദി പറഞ്ഞു. സമൂഹമാധ്യമമായ എക്സില്‍ പങ്കുവെച്ച കുറിപ്പിലാണ് മോദിയുടെ ഈ ആദ്യ പ്രതികരണം.
“ജനങ്ങള്‍ക്ക് മുന്‍പില്‍ തല കുനിക്കുന്നു. ജനാഭിലാഷം പൂര്‍ത്തീകരിക്കുന്നതിന് കഴിഞ്ഞ ഒരു ദശകത്തോളം ചെയ്ത നല്ല ജോലികള്‍ ഇനിയും തുടരും. ബിജെപിയിലെ കാര്യകര്‍ത്താക്കളുടെ കഠിനാധ്വാനത്തെ അഭിനന്ദിക്കുന്നു. അവരുടെ അനുകരിക്കാനാകാത്ത രീതിയിലുള്ള പ്രവര്‍ത്തനങ്ങളെ വാക്കുകളില്‍ വിവരിക്കുന്നത് നിതീപുര്‍വ്വമാകണമെന്നില്ല.”- മോദി പറഞ്ഞു.
തെരഞ്ഞെടുപ്പ് ഫലത്തിന് ശേഷം ആദ്യമായി പ്രതികരിക്കുകയായിരുന്നു മോദി. പുതിയ ഊര്‍ജ്ജത്തോടെ മുന്നോട്ട് പോകുമെന്നും മോദി പറഞ്ഞു. ആന്ധ്ര, ഒഡിഷ നിയമസഭകളില്‍ അധികാരത്തില്‍ എൻഡിഎയെ അധികാരത്തില്‍ എത്തിച്ച ജനങ്ങളോടും അദ്ദേഹം നന്ദി പറഞ്ഞു.
