ഇന്ത്യാ മുന്നണി സ്ഥാനാര്ത്ഥി കനയ്യ കുമാറിനെ 1.25 ലക്ഷം വോട്ടുകള്ക്ക് പരാജയപ്പെടുത്തി ബിജെപിയുടെ മനോജ് തിവാരി. ദല്ഹിയിലെ വടക്ക് കിഴക്കന് മണ്ഡലത്തില് ഏറ്റവും കടുത്ത മത്സരമായിരുന്നു അവിടെ നടന്നത്. തുടക്കം മുതലേ ഗായകന് കൂടിയായ മനോജ് തിവാരി മുന്പിലായിരുന്നു.
കോണ്ഗ്രസിന്റെയും ആം ആദ്മിയുടെയും സംയുക്ത സ്ഥാനാര്ത്ഥിയായിരുന്നു കനയ്യ കുമാര്. ദല്ഹിയില് ആകെ ഏഴ് ലോക് സഭാ മണ്ഡലങ്ങളില് ഏഴിലും ബിജെപി ജയിച്ചിരുന്നു. അരവിന്ദ് കെജ്രിവാള് ജയിലില് നിന്നും പുറത്ത് വന്ന് ഇന്ത്യാമുന്നണി സ്ഥാനാര്ത്ഥികള്ക്ക് വേണ്ടി പ്രചാരണം നടത്തിയെങ്കിലും അത് തെല്ലും ഏശിയില്ല.
