കോഴിക്കോട്: ടാങ്കര്‍ ലോറി ഇന്നോവ കാറിന് പിന്നില്‍ ഇടിച്ച് നാല് വാഹനങ്ങള്‍ക്ക് കേടുപാട്. കോഴിക്കോട് എടവണ്ണ- കൊയിലാണ്ടി സംസ്ഥാന പാതയില്‍ കറുത്തപറമ്പ് ഇറക്കത്തിലാണ് അപകടം.
ഇന്നോവ കാറിന്റെ പിന്നിലാണ് ടാങ്കര്‍ ലോറി ആദ്യം ഇടിച്ചത്. പിന്നാലെ നിയന്ത്രണംവിട്ട ഇന്നോവ റോഡരികില്‍ നിര്‍ത്തിയിട്ട സ്വിഫ്റ്റ് കാറില്‍ ഇടിച്ചു. നിയന്ത്രണം വിട്ട് തെന്നിമാറിയ ടാങ്കര്‍ സ്വകാര്യ ബസിലും ഇടിച്ചാണ് നിന്നത്.
അപകടത്തില്‍ ആര്‍ക്കും പരിക്കില്ല. നാല് വാഹനങ്ങള്‍ക്കും സാരമായ കേടുപാടുണ്ട്. ടഅപകടത്തെ തുടര്‍ന്ന് സംസ്ഥാന പാതയില്‍ ഏറെ നേരം ഗതാഗതം തടസമുണ്ടായി.
