ഭുവനേശ്വർ: താൻ ന്യൂനപക്ഷങ്ങൾക്കെതിരെ ഒരക്ഷരം മിണ്ടിയിട്ടില്ലെന്നും ബിജെപി ഇന്നല്ല, ഒരിക്കലും അവർക്കെതിരെ പ്രവർത്തിച്ചിട്ടില്ലെന്നും പ്രധാനമന്ത്രി നരേന്ദ്ര മോദി. ഞായറാഴ്ച വൈകിട്ട് പിടിഐ വീഡിയോകൾക്ക് നൽകിയ അഭിമുഖത്തിലാണ് ഇക്കാര്യം വ്യക്തമാക്കിയത്.
അതേ സമയം ആരെയും പ്രത്യേക പൗരന്മാരായി അംഗീകരിക്കാൻ തയ്യാറല്ലെന്ന് അദ്ദേഹം വ്യക്തമാക്കി. മോദിയുടെ തിരഞ്ഞെടുപ്പ് പ്രസംഗങ്ങൾ വർഗീയ വിഭജനവും ധ്രുവീകരണവുമാണെന്ന പ്രതിപക്ഷത്തിന്റെ മുറവിളിക്കിടയിലാണ് അദ്ദേഹത്തിന്റെ വ്യക്തമായ അഭിപ്രായം പുറത്ത് വന്നത്.
ഭരണഘടനയുടെ മതേതരത്വത്തെ കോൺഗ്രസ് നിരന്തരം ലംഘിച്ചുവെന്നും വോട്ട് ബാങ്ക് രാഷ്ട്രീയത്തിലൂടെ ന്യൂനപക്ഷങ്ങളെ പ്രീണിപ്പിക്കാനുള്ള പ്രതിപക്ഷ പാർട്ടികളുടെ ശ്രമത്തെ തുറന്നുകാട്ടുകയാണ് തന്റെ പ്രചാരണ പ്രസംഗങ്ങളെന്നും അദ്ദേഹം പറഞ്ഞു.
തന്റെ പ്രസ്താവനകൾ കാരണം ന്യൂനപക്ഷങ്ങൾക്കിടയിലെ ആശങ്കയെക്കുറിച്ച് എന്താണ് പറയാനുള്ളത് എന്നായിരുന്നു അഭിമുഖത്തിൽ ചോദിച്ചത്. “ഞാൻ ന്യൂനപക്ഷങ്ങൾക്കെതിരെ ഒരക്ഷരം മിണ്ടിയില്ല. കോൺഗ്രസിന്റെ വോട്ട് ബാങ്ക് രാഷ്ട്രീയത്തിനെതിരെ മാത്രമാണ് ഞാൻ സംസാരിക്കുന്നത്. കോൺഗ്രസ് ഭരണഘടനയ്ക്ക് വിരുദ്ധമായി പ്രവർത്തിക്കുന്നു, അതാണ് ഞാൻ പറയുന്നത്, ”-അദ്ദേഹം മറുപടി പറഞ്ഞു.
ബി. ആർ. അംബേദ്കറും ജവഹർലാൽ നെഹ്റുവും ഉൾപ്പെടെയുള്ള ഇന്ത്യൻ ഭരണഘടനാ നിർമ്മാതാക്കൾ മതത്തിന്റെ അടിസ്ഥാനത്തിൽ സംവരണം വേണ്ടെന്ന് തീരുമാനിച്ചിരുന്നതായി മോദി പറഞ്ഞു. ഇപ്പോൾ നിങ്ങൾ അതിൽ നിന്ന് പിന്തിരിയുകയാണ്. അവരെ തുറന്നുകാട്ടേണ്ടത് എന്റെ ഉത്തരവാദിത്തമാണ്. അന്ന് ഭരണഘടനാ നിർമ്മാണ സഭയിൽ എന്റെ പാർട്ടിയിൽ അംഗങ്ങളില്ലായിരുന്നു. രാജ്യത്തുടനീളമുള്ള പ്രമുഖരുടെ സമ്മേളനമായിരുന്നു അതെന്നും അദ്ദേഹം പറഞ്ഞു.
” തന്റെ തിരഞ്ഞെടുപ്പ് പ്രസംഗങ്ങളിൽ ന്യൂനപക്ഷങ്ങളെ ലക്ഷ്യം വയ്ക്കാൻ നിങ്ങൾ ഒരിക്കലും ഉദ്ദേശിച്ചിട്ടില്ലേ എന്ന് വീണ്ടും അദ്ദേഹത്തോട് ചോദിച്ചപ്പോൾ ബിജെപി ഒരിക്കലും ന്യൂനപക്ഷങ്ങൾക്ക് എതിരായിട്ടില്ല. ഇന്ന് മാത്രമല്ല, ഒരിക്കലും ഇല്ലെന്ന് അദ്ദേഹം പറഞ്ഞു. കൂടാതെ പ്രീണനത്തിന്റെ പാതയാണ് കോൺഗ്രസ് പിന്തുടരുന്നതെന്നും അദ്ദേഹം കൂട്ടിച്ചേർത്തു.
എന്നാൽ താൻ സംതൃപ്തിയുടെ പാത പിന്തുടരുന്നു. (വോ ലോഗ് ദുഷ്ടികരൻ കേ രാസ്തേ പേ ചൽതേ ഹൈൻ, മെയിൻ സന്തുഷ്ടികാരൻ കേ രാസ്തേ പേ ചൽതാ ഹൂൻ). അവരുടെ രാഷ്ട്രീയം പ്രീണനമാണ്. എന്റെ രാഷ്ട്രീയം ‘സബ്കാ സാത്ത് സബ്കാ വികാസ്’ ആണ്. ഞങ്ങൾ ‘സർവ ധർമ്മ സംഭവത്തിൽ വിശ്വസിക്കുന്നു.
എല്ലാവരെയും ഞങ്ങളോടൊപ്പം കൊണ്ടുപോകാൻ ഞങ്ങൾ ആഗ്രഹിക്കുന്നു. ആരെയും പ്രത്യേക പൗരന്മാരായി അംഗീകരിക്കാൻ ഞങ്ങൾ തയ്യാറല്ല, എന്നാൽ എല്ലാവരേയും തുല്യരായി കണക്കാക്കുന്നുവെന്നും പ്രധാനമന്ത്രി പറഞ്ഞു.
