കൊച്ചി :അവയവ മാഫിയ സംഘത്തിലെ പ്രധാന കണ്ണി പൊലീസ് പിടിയില്.തൃശൂര് വലപ്പാട് സ്വദേശി സബിത്ത് നാസറിനെയാണ് നെടുമ്പാശേരി വിമാനത്താവളത്തില് നിന്നും പിടികൂടിയത്.
ഇവിടെ നിന്നും ആളുകളെ ഇറാനിലെത്തിച്ചാണ് അവയവം എടുത്തിരുന്നത്. അവയവം നല്കുന്നവര്ക്ക് ചെറിയ തുക നല്കി വലിയ തുകയ്ക്ക് അവയവം വില്ക്കുകയാണ് ചെയ്യുന്നത്. നിരവധി പേരെയാണ് പ്രതി ഇറാനിലെത്തിച്ച് അവയവം കവര്ന്നെന്നാണ് വിവരം.
രാജ്യാന്തര റാക്കറ്റിലെ പ്രധാന ഏജന്റാണ് പിടിയിലായ സബിത്ത് നാസറെന്ന് പൊലീസ് പറയുന്നു. സാമ്പത്തികമായി പിന്നാക്കം നില്ക്കുന്നവരെയാണ് ഇയാള് ചൂഷണം ചെയ്തിരുന്നത്. നെടുമ്പാശേരി പൊലീസിന്റെ കസ്റ്റഡിയിലാണ് പ്രതി.
