ന്യൂദല്ഹി: ദല്ഹി മുഖ്യമന്ത്രിയും ആപ്പ് നേതാവുമായ അരവിന്ദ് കേജ്രിവാളിന് സുപ്രീംകോടതി ജാമ്യം നല്കി അയച്ച നടപടി ബിജെപിക്കല്ല, കോണ്ഗ്രസിനാണ് വിനയാകുകയെന്ന് പ്രശസ്ത രാഷ്ട്രീയ നിരീക്ഷകന് പ്രശാന്ത് കിഷോര്. ബിജെപിക്ക് തിരിച്ചടിയാകുമെന്ന അഭിപ്രായങ്ങളോട് പ്രതികരിക്കുകയായിരുന്നു അദ്ദേഹം.
ആപ്പ് രാജ്യത്ത് എല്ലായിടത്തും മല്സരിക്കുന്നില്ല. 22 സീറ്റുകൡലാണ് അവരുടെ മത്സരം. 14 പഞ്ചാബിലും ഏഴ് ദല്ഹിയിലും ഒന്ന് ഗുജറാത്തിലും. എന്തു സംഭവിച്ചാലും മാറ്റം ഈ 22 സീറ്റുകളില് മാത്രമായിരിക്കും. ഇന്ഡി മുന്നിയിലാണ് ആപ്പ് എങ്കിലും പഞ്ചാബിലെ 14 സീറ്റുകളിലും കോണ്ഗ്രസും ആപ്പും തമ്മില് നേരിട്ടാണ് മത്സരം. ആപ്പ് നേടിയാല് നഷ്ടം കോണ്ഗ്രസിനാണ്.
കേജ്രിവാള് പുറത്തുവന്നത് പാര്ട്ടി പ്രവര്ത്തകരുടെ വീര്യം കൂട്ടിയെന്നത് സത്യമാണ്. പക്ഷെ അത് പഞ്ചാബിനും ദല്ഹിക്കുമപ്പുറം വോട്ടര്മാരെ ഒരു തരത്തിലും സ്വാധീനിക്കില്ല. തെലങ്കാനയിലോ ആന്ധ്രയിലോ എവിടെ പോയി കേജ്രിവാള് പ്രസംഗിച്ചാലും വോട്ടര്മാരെ സ്വാധീനിക്കാന് സാധിക്കില്ല.
