പത്തനംതിട്ട : മല്ലപ്പള്ളിയില് നിന്ന് കാണാതായ 14 വയസുകാരനെ ചെന്നൈയില് കണ്ടെത്തി. സോഷ്യല് മീഡിയയില് കുട്ടിയുടെ ചിത്രം കണ്ട കൊല്ലം സ്വദേശിയാണ് കുട്ടിയെ തിരിച്ചറിഞ്ഞത്.
കുട്ടിയോട് സംസാരിച്ച് വീടുവിട്ട് വന്നതാണെന്ന് മനസിലാക്കിയ ഇയാള് കുട്ടിയെ മടങ്ങിപ്പോകാന് ഉപദേശിക്കുകയും ബന്ധപ്പെട്ടവരെ വിവരമറിയിക്കുകയുമായിരുന്നു
വീട്ടില് നിന്ന് സൈക്കിളില് മല്ലപ്പള്ളിയിലേക്കും അവിടെ നിന്ന് ബസില് ചങ്ങനാശേരിയിലേക്കും അവിടെ നിന്ന് ട്രെയിനില് കുട്ടി ചെന്നൈയിലേക്കും പോകുകയായിരുന്നു. 1500 രൂപയായിരുന്നു കുട്ടിയുടെ കൈവശമുണ്ടായിരുന്നത്. ബാംഗ്ലൂരിലേക്ക് പോകാനാണ് കുട്ടി ലക്ഷ്യമിട്ടിരുന്നത്.
ഇന്നലെ മുതലാണ് വിദ്യാര്ത്ഥിയെ കാണാതായത്. സിനിമയില് അഭിനയിക്കാന് പോകുന്നെന്നും അഞ്ച് വര്ഷം കഴിഞ്ഞ് കാണാമെന്നും കുറിപ്പെഴുതിവച്ചിരുന്നു. രാവിലെ ട്യൂഷന് പോകുന്നുവെന്ന് പറഞ്ഞാണ് കുട്ടി വീട്ടില് നിന്ന് ഇറങ്ങിയത്.
