തിരുവനന്തപുരം: മാധ്യമപ്രവര്ത്തകനും സംസ്ഥാന ആസൂത്രണ ബോര്ഡ് വൈസ് ചെയര്മാന്റെ പ്രൈവറ്റ് സെക്രട്ടറിയുമായ ബിപിന് ചന്ദ്രന് നിര്യാതനായി. സിപിഎം മുതിര്ന്ന നേതാവ് എസ് രാമചന്ദ്രന് പിള്ളയുടെ മകനാണ് . അസുഖ ബാധിതനായി തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയിലിരിക്കെയാണ് മരണം.
തിങ്കളാഴ്ച വൈകിട്ട് നാലിന് തൈക്കാട് ശാന്തികവാടത്തില് സംസ്കരിക്കും.ബിപിന് ചന്ദ്രന് ന്യൂദല്ഹിയില് മാധ്യമപ്രവര്ത്തകനായി ഏറെക്കാലം ജോലി ചെയ്തിട്ടുണ്ട്.
എന്റര്പ്രണര് ബിസിനസ് മാസികയുടെ എക്സിക്യൂട്ടീവ് എഡിറ്ററായിരുന്നു. ബിസിനസ് സ്റ്റാന്ഡേര്ഡിലും ഇന്ത്യന് എക്പ്രസിലും ജോലി ചെയ്തു. ആരോഗ്യ മന്ത്രി വീണാ ജോര്ജിന്റെ അഡീഷണല് പ്രൈവറ്റ് സെക്രട്ടറി ആയും സേവനമനുഷ്ഠിച്ചിട്ടുണ്ട്. അമ്മ: പരേതയായ രത്നമ്മ. ഭാര്യ: ഷൈജ (മാധ്യമപ്രവര്ത്തക, ന്യൂദല്ഹി) മക്കള്: ആദിത് പിള്ള (ഫിനാന്ഷ്യല് അനലിസ്റ്റ്, ബെംഗളൂരു), ആരോഹി പിള്ള.
