ലക്‌നൗ: തോല്‍വിയോടുള്ള ഭയമാണ് കെജ്രിവാളിന്റെ വാക്കുകളില്‍ കാണാന്‍ സാധിച്ചതെന്ന് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. പ്രധാനമന്ത്രിക്കെതിരെ ദല്‍ഹി മുഖ്യമന്ത്രി അരവിന്ദ് കെജ്രിവാള്‍ നടത്തിയ കുപ്രചരണങ്ങള്‍ക്ക് മറുപടി നല്‍കുയായിരുന്നു അദേഹം. പ്രധാനമന്ത്രി നരേന്ദ്രമോദിക്ക് രാജ്യത്തൊട്ടാകെ ലഭിക്കുന്ന പിന്തുണ കണ്ട് പ്രതിപക്ഷ പാര്‍ട്ടികള്‍ ഭയന്നിരിക്കുകയാണെന്നും യോഗി പറഞ്ഞു.
ബിജെപി വികസനവും അഖണ്ഡതയും പറഞ്ഞാണ് വോട്ട് നേടുന്നത്. ലോക്‌സഭാ തെരഞ്ഞെടുപ്പ് ഫലം പ്രഖ്യാപിച്ച ശേഷവും പ്രതിപക്ഷം ഇത്തരത്തിലുള്ള പാഴ്‌വാക്കുകള്‍ പറഞ്ഞുകൊണ്ടിരിക്കും. തെരഞ്ഞെടുപ്പില്‍ പരാജയപ്പെടുമെന്ന് പ്രതിപക്ഷത്തിന് ഉറപ്പാണ്. അതുകൊണ്ടാണ് പ്രധാനമന്ത്രിയുടെ പ്രായത്തെ കുറിച്ച് പറഞ്ഞുവരെ വിമര്‍ശിക്കുന്നത്. 140 കോടി ഇന്ത്യാക്കാരുടെ പ്രിയപ്പെട്ട നേതാവാണ് നരേന്ദ്രമോദി. അദ്ദേഹത്തിന്റെ കുടുംബാംഗങ്ങളാണെന്നതില്‍ ഞങ്ങള്‍ അഭിമാനിക്കുന്നെന്നും യോഗി ആദിത്യനാഥ് പറഞ്ഞു.
