ജയ്പൂര് : ക്രിക്കറ്റ് സ്റ്റേഡിയങ്ങളില് ബൗണ്ടറികളുടെ ദൂരം വര്ധിപ്പിക്കണമെന്ന് ഇന്ത്യന് ക്രിക്കറ്റ് താരം ആര്. അശ്വിന്. പവര്ഹിറ്റര്മാരായ ബാറ്റര്മാരുടെ എണ്ണം കൂടുന്നു. ഈ സാഹചര്യത്തില് ബൗണ്ടറികള് ചെറുതാണെന്നാണ് അശ്വിന് പറയുന്നത്.
ക്രിക്കറ്റ് ബാറ്റര്മാര്ക്കു മാത്രം അനുകൂലമാകാതിരിക്കാന് മാറ്റങ്ങള് വേണമെന്നും അശ്വിന് പറഞ്ഞു.ഐപിഎല്ലില് രാജസ്ഥാന് റോയല്സിന് വേണ്ടിയാണ് അശ്വിന് കളിക്കുന്നത്.
പതിറ്റാണ്ടുകള്ക്കു മുമ്പ് നിശ്ചയിച്ച സ്റ്റേഡിയങ്ങളുടെ വലുപ്പം ആധുനിക കാലത്തെ ക്രിക്കറ്റിന് ഒട്ടും അനുയോജ്യമല്ലന്ന് അശ്വിന് പറഞ്ഞു. മത്സര നിയമങ്ങളില് ബാറ്റര്മാര്ക്ക് അനുകൂലമായ ഒട്ടേറെ ഭേദഗതികള് വന്നിട്ടുണ്ടെന്നും അശ്വിന് ചൂണ്ടിക്കാട്ടി.
ബൗണ്ടറികളിലേക്കുള്ള ദൂരം വര്ദ്ധിപ്പില്ലെങ്കില് ബൗളര്മാര് വെറും കാഴ്ചക്കാരായി മാറുമെന്നും ക്രിക്കറ്റ് മത്സരങ്ങള് ഏകപക്ഷീയമാകുമെന്നും അശ്വിന് മുന്നറിയിപ്പു നല്കുന്നു.
