ലണ്ടന് : നിരവധി പേരെ വാളുകൊണ്ട് വെട്ടി പരിക്കേല്പ്പിച്ച അക്രമിയെ പൊലീസ് പിടികൂടി. രണ്ടു പൊലീസുകാര് ഉള്പ്പെടെയാണ് ആക്രമിക്കപ്പെട്ടത്. ലണ്ടന്റെ കിഴക്ക് ഹൈനോള്ട്ടില് രാവിലെ ഏഴു മണിക്കാണ് ആക്രമണം ഉണ്ടായത്.
വാഹനം ഒരു വീട്ടിലേക്ക് ഇടിച്ചുകയറ്റിയ ശേഷം അക്രമി സമീപത്തുണ്ടായിരുന്നവരെ വെട്ടി പരിക്കേല്പ്പിക്കുകയായിരുന്നു. വടക്കുകിഴക്കന് ലണ്ടനിലെ ട്യൂബ് സ്റ്റേഷന് അടുത്ത് വച്ചാണ് ആക്രമണം.
ലണ്ടന് ആംബുലന്സ് സര്വീസ് അഞ്ച് പേര്ക്ക് പ്രാഥമിക ചികിത്സ നല്കിയ ശേഷം ഇവരെ ആശുപത്രിയില് എത്തിച്ചു. 36 വയസുള്ള അക്രമിയെ സംഭവസ്ഥലത്ത് നിന്നാണ് പിടികൂടിയത്. സംഭവത്തിന് തീവ്രവാദ ബന്ധമുള്ളതായി കരുതുന്നില്ലെന്ന് ഡപ്യൂട്ടി അസിസ്റ്റന്റ് കമ്മീഷണര് പറഞ്ഞു.
