തിരുവനന്തപുരം: കേരളത്തില്‍ ഒമ്പത് ജില്ലകളില്‍ അടുത്ത മണിക്കൂറുകളില്‍ ഇടിമിന്നലോടെ മഴക്ക് സാധ്യതയെന്ന് കാലാവസ്ഥ മുന്നറിയിപ്പ്. ഇന്ന് ശക്തമായ മഴ പെയ്ത കൊല്ലം ജില്ലയിലുള്‍പ്പെടെയാണ് രാത്രിയും മഴ തുടരാന്‍ സാധ്യത.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട് ജില്ലകളില്‍ ഒറ്റപ്പെട്ടയിടങ്ങളില്‍ ഇടിമിന്നലോട് കൂടിയ നേരിയതോ മിതമായതോ ആയ മഴയ്‌ക്ക് സാധ്യതയുണ്ട്. മണിക്കൂറില്‍ 40 കിലോമീറ്റര്‍ വരെ വേഗതയില്‍ വീശിയടിക്കാവുന്ന ശക്തമായ കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നത്.
അതേസമയം സംസ്ഥാനത്ത് ഇന്നും കൊടും ചൂട് തുടര്‍ന്നു.വിവിധ ജില്ലകളില്‍ താപ നില ഉയര്‍ന്ന നിലയിലായിരുന്നു.
