കൊച്ചി: ഡോക്ടറെ പീഡിപ്പിച്ച കേസിലെ പ്രതിയായ സിഐ മരിച്ച നിലയില്. മലയിന്കീഴ് പോലീസ് സ്റ്റേഷന് മുന് എസ്എച്ച്ഒ എ.വി. സൈജുവിനെ എറണാകുളം അംബേദ്കര് സ്റ്റേഡിയം പരിസരത്തെ മരത്തില് തൂങ്ങി മരിച്ച നിലയിലാണ് കണ്ടെത്തിയത്. തിരുവനന്തപുരം നെടുമങ്ങാട് സ്വദേശിയാണ് സൈജു. ബലാത്സംഗ കേസില് വ്യാജരേഖകള് സമര്പ്പിച്ച് ജാമ്യം നേടിയത് ഹൈക്കോടതി റദ്ദാക്കിയിരുന്നു. ഇതിന് പിന്നാലെ അറസ്റ്റ് ചെയ്യാന് ക്രൈംബ്രാഞ്ച് ശ്രമിക്കുന്നതിനിടെയാണ് മരിച്ച നിലയില് കണ്ടെത്തിയത്.
മലയിന്കീഴ് ഇന്സ്പെക്ടറായിരിക്കെയാണ് സൈജുവിനെതിരെ വനിതാ ഡോക്ടര് പരാതി നല്കിയത്. പരാതിയുമായി എത്തിയ ഡോക്ടറെ വിവാഹ വാഗ്ദാനം നല്കി പീഡിപ്പിക്കുകയായിരുന്നുവെന്നായിരുന്നു ഒരു പരാതി. ഈ കേസില് ജാമ്യം ലഭിക്കാന് പോലീസ് ജിഡി രജിസ്റ്ററില് സൈജു കൃത്രിമം കാണിച്ചെന്ന് പിന്നീട് കോടതി കണ്ടെത്തി ജാമ്യം റദ്ദാക്കിയിരുന്നു. നെടുമങ്ങാട് സിഐയുടെ നേതൃത്വത്തിലായിരുന്നു അന്വേഷണം. സൈജുവിനെതിരെ നേരത്തെയും പീഡന പരാതി ഉയര്ന്നിരുന്നു. കേരള പോലീസ് ഓഫീസേഴ്സ് അസോസിയേഷന് തിരുവനന്തപുരം റൂറല് ജില്ലാ കമ്മിറ്റി പ്രസിഡന്റാണ് സൈജു.
