കൊച്ചി : സംസ്ഥാനത്ത് സ്വര്ണവില ഇന്ന് വീണ്ടും കൂടി. ഗ്രാമിന് 25 രൂപയും പവന് 200 രൂപയുമാണ് വര്ദ്ധിച്ചത്.
ഇതോടെ ഒരു ഗ്രാം സ്വര്ണവില 6600 രൂപയിലെത്തി. പവന് വില 52,800 രൂപയുമായി. അന്താരാഷ്ട്ര വിലയിലുണ്ടായ മാറ്റത്തിന്റെ ഭാഗമായാണ് കേരള വിപണിയിലും സ്വര്ണ വില വര്ധിച്ചത്.
ഇന്ന് രാവിലെ സ്വര്ണവില നിശ്ചയിക്കുമ്പോള് അന്താരാഷ്ട്ര സ്വര്ണവില 2343 ഡോളര് ആയിരുന്നു. ഉച്ചയ്ക്കു ശേഷം അന്താരാഷ്ട്ര വില 2354 ഡോളറിലേക്ക് ഉയര്ന്നതോടെയാണ് മണിക്കൂറുകള്ക്കിടെ സ്വര്ണവില വീണ്ടും കൂടിയത്.
ഇന്ന് രാവിലെ സ്വര്ണവില ഏറ്റവും വലിയ റെക്കോഡിലെത്തിയിരുന്നു. 240 രൂപയണ് പവന് രാവിലെ ഉയര്ന്നത്. ഉച്ചയ്ക്ക് ശേഷവും വര്ധനവുണ്ടായതോടെ സ്വര്ണവിലയില് ഇന്ന് മാത്രം പവന് 440 രൂപ വര്ധിച്ചു.
