പാലക്കാട്: അട്ടപ്പാടിയില് സിപിഎം ബ്രാഞ്ച് സെക്രട്ടറിയടക്കമുള്ളവരും കോണ്ഗ്രസ് പ്രവര്ത്തകരും ബിജെപി യില് ചേര്ന്നു. ഇന്നലെ തെരഞ്ഞെടുപ്പ് പര്യടനത്തിന്റെ ഭാഗമായി അട്ടപ്പാടിയിലെത്തിയ എന്ഡിഎ സ്ഥാനാര്ഥി സി. കൃഷ്ണകുമാര് ഇവരെ പാര്ട്ടിയിലേക്ക് സ്വീകരിച്ചു. ചിന്നപ്പറമ്പ് ഒന്നാം ബ്രാഞ്ച് സെക്രട്ടറി കെ.എം. ഷാജിയുടെ നേതൃത്വത്തിലാണ് ബിജെപിയില് ചേര്ന്നത്.
കള്ളമല ചിന്നപ്പറമ്പില് നടന്ന കുടുംബയോഗത്തില് ഇവര് പങ്കെടുത്തു. മറ്റ് പാര്ട്ടികളില് നിന്ന് ന്യൂനപക്ഷ വിഭാഗത്തില്പ്പെട്ടവര് ഉള്പ്പെടെ നിരവധി പേരാണ് ബിജെപിയില് ചേരുന്നത്. ബിജെപി ന്യൂനപക്ഷ വിരുദ്ധരാണെന്ന് സിപിഎമ്മിന്റെയും കോണ്ഗ്രസിന്റെയും കുപ്രചരണത്തിനുള്ള മറുപടിയാകുന്നു ഇത്. സി. കൃഷ്ണകുമാര് നയിച്ച ഉപയാത്ര അട്ടപ്പാടിയില് എത്തിയപ്പോഴും നിരവധി പേരാണ് ബിജെപിയില് ചേര്ന്നത്. ജനതാദള് അടക്കമുള്ള പാര്ട്ടികളില് നിന്ന് ബ്ലോക്ക്, പഞ്ചായത്തുതല നേതാക്കളും ബിജെപിയില് ചേര്ന്നു.
