ദുബായ് : ഈദുൽ ഫിത്ർ അവധിയ്‌ക്ക് മുന്നോടിയായി ഖലീഫ സിറ്റിയിൽ 21 പുതിയ പാർക്കുകൾ തുറക്കുമെന്ന് അബുദാബി ഡിപ്പാർട്മെന്റ് ഓഫ് മുനിസിപ്പാലിറ്റീസ് ആൻഡ് ട്രാൻസ്‌പോർട് അറിയിച്ചു. അബുദാബി മീഡിയ ഓഫീസ് ഇക്കാര്യം വ്യക്തമാക്കിയത്.
ഈ മേഖലയിലെ ജനങ്ങൾക്കിടയിൽ ആരോഗ്യകരമായ ജീവിതശൈലി പ്രോത്സാഹിപ്പിക്കുന്നതിന്റെ ഭാഗമായാണിത്. കുട്ടികൾക്കുള്ള കളിസ്ഥലങ്ങൾ, സന്ദർശകർക്കുള്ള ഇരിപ്പിടങ്ങൾ, ഒത്ത് ചേരാനുള്ള ഇടങ്ങൾ, ബാർബിക്യൂ ചെയ്യുന്നതിനുള്ള സൗകര്യങ്ങൾ, കായിക വിനോദങ്ങൾക്കുള്ള സൗകര്യങ്ങൾ, വളർത്തുനായക്കൾക്കുള്ള പ്രത്യേക മേഖലകൾ തുടങ്ങിയവ ഉൾപ്പെടുത്തിയാണ് ഈ പാർക്കുകൾ നിർമ്മിച്ചിരിക്കുന്നത്.
വോളിബോൾ, ക്രിക്കറ്റ്, ബാഡ്മിന്റൺ തുടങ്ങിയ കായിക ഇനങ്ങൾക്കുള്ള സൗകര്യങ്ങളും, ബാസ്‌ക്കറ്റ്ബോൾ കോർട്ട്, ചെറിയ ഫുട്ബോൾ പിച്ച് തുടങ്ങിയ സൗകര്യങ്ങളും ഈ പാർക്കുകളിൽ ഉണ്ടായിരിക്കുന്നതാണ്.
ജന്മഭൂമി ഓണ്‍ലൈന്‍