ആലപ്പുഴ: ലഹരി മരുന്ന് കേസില്‍ ആരോപണ വിധേയനായതിനെ തുടര്‍ന്ന് പാര്‍ട്ടിയില്‍ നിന്ന് പുറത്താക്കപ്പെട്ടയാള്‍ സിപിഎം തെരഞ്ഞെടുപ്പ് വേദിയില്‍. മുന്‍ മന്ത്രി ജി.സുധാകരന്‍ ഉദ്ഘാടകനായ കുടുംബ യോഗത്തിലാണ് പാര്‍ട്ടിയില്‍ നിന്ന് പുറത്താക്കപ്പെട്ട വിവാദ നായകന്‍ ആലപ്പുഴ നഗരസഭാ കൗണ്‍സിലര്‍ ഷാനവാസ് വേദിയില്‍ സ്ഥാനം പിടിച്ചത്. മയക്കു മരുന്ന് കേസില്‍ ആരോപണ വിധേയനായതോടെയാണ് ഷാനവാസിനെ സിപിഎമ്മില്‍ നിന്ന് പുറത്താക്കിയത്.
കഴിഞ്ഞ ദിവസം കാളാത്ത് എല്‍ഡിഎഫ് സ്ഥാനാര്‍ത്ഥി എ.എം.ആരിഫിന്റെ തെരഞ്ഞെടുപ്പ് പ്രചരണാര്‍ത്ഥം സംഘടിപ്പിച്ച 152-ാം ബൂത്ത് കമ്മിറ്റിയുടെ കുടുംബ യോഗത്തിലാണ് ഷാനവാസ് മറ്റു നേതാക്കള്‍ക്കൊപ്പം വേദി പങ്കിട്ടത്.ലഹരി മരുന്ന് കേസില്‍ പാര്‍ട്ടിയില്‍ നിന്ന് പുറത്താക്കപ്പെട്ടയാളെ പാര്‍ട്ടിയുടെ വേദിയില്‍ പങ്കെടുപ്പിച്ചതിനെതിരെ പ്രതിഷേധവുമുയര്‍ന്നിട്ടുണ്ട്.
