വിദേശ സംഭാവന നിയന്ത്രണ നിയമത്തിലെ (എഫ്.സി.ആര്.എ) വ്യവസ്ഥകള് ലംഘിച്ച അഞ്ച് സര്ക്കാരിതര സംഘടനകളുടെ (എന്.ജി.ഒ) രജിസ്ട്രേഷന് കേന്ദ്ര ആഭ്യന്തര മന്ത്രാലയം റദ്ദാക്കി. ഈ എന്.ജി.ഒകള്ക്ക് ഇനി വിദേശ സംഭാവനകള് സ്വീകരിക്കാനോ നിലവിലുള്ള ഫണ്ടുകള് ഉപയോഗിക്കാനോ കഴിയില്ല. വോളണ്ടറി ഹെല്ത്ത് അസോസിയേഷന് ഓഫ് ഇന്ത്യ, സി.എന്.ഐ സിനഡിക്കല് ബോര്ഡ് ഓഫ് സോഷ്യല് സര്വീസസ്, ഇന്ഡോ-ഗ്ലോബല് സോഷ്യല് സര്വീസ് സൊസൈറ്റി, ഓക്സിലറി ഫോര് സോഷ്യല് ആക്ഷന്, ഇവാഞ്ചലിക്കല് ഫെല്ലോഷിപ്പ് ഓഫ് ഇന്ത്യ എന്നിവയാണ് രജിസ്ട്രേഷന് നഷ്ടപ്പെട്ട എന്.ജി.ഒകള്.
എഫ്.സി.ആര്.എയുടെ ഉത്തരവില്പെടാത്ത പ്രവൃത്തികള്ക്ക് ഫണ്ട് വിനിയോഗിച്ചതിനാലാണ് ഇവ നടപടി നേരിട്ടത്. പത്തു വര്ഷത്തിനിടെ നിയമവിരുദ്ധ പ്രവര്ത്തനങ്ങള് നടത്തിയ ആയിരക്കണക്കിന് എന്.ജി.ഒകളുടെ ലൈസന്സ് ഇത്തരത്തില് റദ്ദായിട്ടുണ്ട്. ഗുരുതരമായ കേസില് ഉള്പ്പെട്ടവര് സി.എന്.ഐ.ടി.സിയുടെയും എസ്.ബി .എസിന്റെയും നേതൃത്വത്തില് ഉണ്ടായിരുന്നതാണ് അവര്ക്ക് വിനയായത്. സിഎന്എ സഭയ്ക്ക് 23 സ്ഥാപനങ്ങളും 8 കേന്ദ്ര ഭരണ പ്രദേശങ്ങളിലുമായി 4500 ലധികം ഇടവകകളും 22 ലക്ഷം വിശ്വാസികളുമുണ്ട്.
