കൊച്ചി : ദല്ഹിയില് വിദ്യാര്ത്ഥി പ്രതിഷേധമെന്ന ഓമനപ്പേരിട്ട് കലാപത്തിന് ശ്രമിക്കുന്ന സി ജെ പിക്കും ഒത്താശ ചെയ്യുന്ന കോണ്ഗ്രസിനെയും സി പി എമ്മിനെയും മുസ്ലീം ലീഗിനെയും ഉള്പ്പെടെ പിന്തുണച്ച നടി മഞ്ജുവാര്യര്ക്ക് സാമൂഹ്യമാധ്യമങ്ങളില് പൊങ്കാല.’കേരളത്തില് പി എസ് സി റാങ്ക് പട്ടികയില് ഇടം പിടിച്ച കുറെ ഉദ്യോഗാര്ത്ഥികള് മണ്ണ് വാരി തിന്നപ്പോള് ‘വായില് പഴം ആയിരുന്നോ’ എന്നാണ് ചോദ്യം.
വിദ്യാര്ത്ഥികള് എന്ന ലേബലില് ദല്ഹിയില് ഒത്തു കൂടിയിട്ടുള്ളത് അക്രമകാരികളും മൂന്നാംകിട രാഷ്ട്രീയ ഗുണ്ടകളുമാണ്. ഇവരെ എങ്ങനെ കൈകാര്യം ചെയ്യണമെന്ന് സര്ക്കാരിനറിയാം. യഥാര്ത്ഥ വിദ്യാര്ത്ഥികള് ഇതില്പെട്ട് അവരുടെ ഭാവി അവതാളത്തിലാകാതിരിക്കാന് ശ്രദ്ധിക്കുക’, ‘ഫണ്ട് ഇപ്പോള് ആണോ ക്രെഡിറ്റ് ആയത്’, ‘പരീക്ഷയില് ക്രമക്കേട് നടന്നത് ഏത് സംസ്ഥാനത്താണ് ?അത് പുറത്ത് അറിയിച്ചത് ആരാണ് ?പരീക്ഷ വീണ്ടും നടന്നതൊന്നും ചേച്ചിക്ക് അറിയില്ലായിരിക്കുമല്ലേ’, ‘ചേച്ചിടെ വിഷയത്തില് ചേച്ചിക്ക് മാനുഷിക പരിഗണന ലഭിച്ചിരുന്നോ. ചേച്ചിടെ മകള്ക്ക് ചേച്ചിയെ ഭയം ആണെന്നാണല്ലോ കേട്ടുകേള്വി’, ‘രാജ്യത്തെ ഒറ്റുകൊടുക്കാന് കൂട്ട് നിന്നതിന് തീവ്രവാദികള് എത്ര തന്നു’,’കേരളത്തിലെ പിഎസ് സി റാങ്ക് പട്ടികയില് ഇടം പിടിച്ചവര്ക്ക് വേണ്ടി മഞ്ജു വാര്യര് ഈ പോസ്റ്റ് ഇട്ടതെങ്കില് മനസിലാക്കാമായിരുന്നു. തല മറന്ന് എണ്ണ തേയ്ക്കരുതെന്ന ഉപദേശവുമുണ്ട്.
ദല്ഹിയിലെ കലാപ നീക്കത്തിന് പിന്നില് വിദേശ ഫണ്ടിംഗ് ഉണ്ടെന്ന് ആരോപണമുണ്ട്. ജനാധിപത്യ രീതിയില് കേന്ദ്ര സര്ക്കാരിനെ വീഴ്ത്താന് കഴിയില്ലെന്ന് മനസിലാക്കി വിദേശ ശക്തികളുടെ സഹായത്തോടെ ആണ് കലാപ നീക്കമെന്നാണ് വിവിധ കോണുകളില് നിന്നും ആരോപണമുയര്ന്നിട്ടുളളത്.
