ആലപ്പുഴ: 72-ാമത് നെഹ്റു ട്രോഫി വള്ളംകളി ആഗസ്റ്റ് 22ന് തന്നെ നടത്താന്‍ എന്‍ടിബിആര്‍ സൊസൈറ്റി യോഗം തീരുമാനിച്ചു.
വള്ളംകളിയുടെ തീയതി കഴിഞ്ഞ കമ്മിറ്റി മാസങ്ങള്‍ക്കു മുന്‍പേ തീരുമാനിച്ചിരുന്നതാണ്. എന്നാല്‍ അതിനെതിരെ വിമര്‍ശനം ഉയര്‍ന്നു. ഈ പശ്ചാത്തലത്തില്‍ തീരുമാനം പുനപരിശോധിക്കുമെന്ന് കരുതപ്പെട്ടിരുന്നതാണ്. എന്നാല്‍ ആദ്യം നിശ്ചയിച്ച തീയതി അതനുസരിച്ച് ഒരുക്കങ്ങള്‍ നടത്തിയെന്നും ഇനിയൊരു മാറ്റം സാമ്പത്തിക നഷ്ടം വരുത്തുമെന്നും ക്ലബ്ബുകള്‍ ചൂണ്ടിക്കാട്ടിയതോടെ മുന്‍ നിശ്ചയപ്രകാരം തന്നെ നടത്താന്‍ തീരുമാനിക്കുകയായിരുന്നു.
ആഗസ്റ്റിലെ രണ്ടാം ശനിയാഴ്ചയാണ് സാധാരണ നെഹ്റു ട്രോഫി വള്ളംകളി നടക്കാറുള്ളത്. രാജ്യാന്തരതലത്തില്‍ ടൂറിസം കലണ്ടറുകളില്‍ ഇടം നേടിയ ഈവന്‌റ് ആയതിനാല്‍ ഇതില്‍ മാറ്റം വരുത്തുക പതിവില്ല. പ്രളയം അടക്കമുള്ള അവിചാരിയമായ കാരണങ്ങളാല്‍ 2018, 2019, 2024 എന്നീ വര്‍ഷങ്ങളില്‍ മാത്രമായിരുന്നു പതിവു തെറ്റിച്ചത്.
