ദിലീപിന്റെ 150-ാമത്തെ ചിത്രത്തിന്റെ പൂജയും സ്വിച്ചോണും നടക്കാവില് നടന്നു. മാജിക് ഫ്രെയിംസിന്റെ ബാനറില് ലിസ്റ്റിന് സ്റ്റീഫന് നിര്മ്മിക്കുന്ന ഈ ചിത്രത്തിന്റെ സംവിധായകന് ബിന്റോ സ്റ്റീഫനാണ്. ലിസ്റ്റിന് സ്റ്റീഫന് നിര്മ്മിക്കുന്ന ആദ്യ ദിലീപ് ചിത്രമാണിത്.
സിദ്ദിഖ്, ബി ഉണ്ണികൃഷ്ണന്, സിബി മലയില്, എം രഞ്ജിത്, സിയാദ് കോക്കര്, ഷീലു എബ്രഹാം തുടങ്ങിയവര് ഭദ്രദീപം തെളിയിച്ചു.
ലിസ്റ്റിന് സ്റ്റീഫന് നിര്മ്മിച്ച ജനഗണമന, മലയാളി ഫ്രം ഇന്ത്യ എന്നീ ചിത്രങ്ങള്ക്ക് ശേഷം ഷാരിസ് മുഹമ്മദ് രചന നിര്വഹിക്കുന്ന ചിത്രം കൂടിയാണിത്. ഒരു ഫാമിലി എന്റര്ടെയ്നറായി ഒരുങ്ങുന്ന ചിത്രത്തിനുവേണ്ടി സംഗീതം ഒരുക്കുന്നത് സനല് ദേവ് ആണ്. ഛായാഗ്രഹണം രണ്ദിവെ. സിദ്ദിഖ്, ബിന്ദു പണിക്കര്, മഞ്ജു പിള്ള, ധ്യാന് ശ്രീനിവാസന്, ജോണി ആന്റണി എന്നിവരെ കൂടാതെ പുതുമുഖങ്ങളും ചിത്രത്തിലുണ്ട്. ഉപചാരപൂര്വ്വം ഗുണ്ട ജയന്, നെയ്മര്, ജനഗണമന, മലയാളി ഫ്രം ഇന്ത്യ എന്നീ ചിത്രങ്ങള്ക്ക് ചീഫ് അസോസിയേറ്റ് ഡയറക്ടറായി പ്രവര്ത്തിച്ച ബിന്റോ സ്റ്റീഫന്റെ ആദ്യ സംവിധാന സംരംഭമാണിത്. വിതരണം മാജിക് ഫ്രെയിംസ്. എറണാകുളവും പരിസരപ്രദേശങ്ങളുമാണ് ചിത്രത്തിന്റെ ലൊക്കേഷനുകള്.
