തിരുവനന്തപുരം : മണ്ണന്തലയില് നാടന് ബോംബ് നിര്മാണത്തിനിടെ ഉണ്ടായ പൊട്ടിത്തെറിയില് നാല് പേര്ക്ക് പരിക്ക്. 17 വയസുകാരന്റെ രണ്ട് കൈപ്പത്തിയും അറ്റുപോയെന്നാണ് റിപ്പോര്ട്ട്. പരിക്കേറ്റവരെ തിരുവനന്തപുരം മെഡിക്കല് കോളജില് പ്രവേശിപ്പിച്ചു.
അഖിലേഷ്, കിരണ്, ശരത്, അനിരുദ്ധ് എന്നിവരാണ് ആശുപത്രിയില് ഉളളത്. ഇരു കൈപ്പത്തികളും നഷ്ടപ്പെട്ട 17കാരന് അനിരുദ്ധ് നെടുമങ്ങാട് സ്വദേശിയാണ്. ഇയാള്ക്കെതിരെ നേരത്തേ അനധികൃത ബോംബ് നിര്മ്മാണത്തിന് കേസുണ്ട്.രണ്ട് പേരെ പൊലീസ് കസ്റ്റഡിയിലെടുത്തു.
മാരക ശേഷിയുള്ള അമിട്ടാണ് പൊട്ടിയതെന്ന് പൊലീസ് അറിയിച്ചു. പരിക്കേറ്റവര് ഗുണ്ടാ സംഘങ്ങളുമായി ബന്ധമുള്ളവരാണ്.ഒഴിഞ്ഞ പറമ്പിലാണ് സ്ഫോടനം നടന്നത്.
