മസ്കറ്റ് : മിന അല് ഫഹല് തുറമുഖത്ത് എണ്ണ വിതരണം സാധാരണ നിലയിലായെന്ന് ഒമാന് അറിയിച്ചതിനെ തുടര്ന്ന് എണ്ണവില ഇടിഞ്ഞു. തുറമുഖത്ത് സ്ഫോടനത്തെത്തുടര്ന്ന് എണ്ണ വിതരണം നിര്ത്തിവച്ചതായി റോയിട്ടേഴ്സ് റിപ്പോര്ട്ട് ചെയ്തിരുന്നു.
മിനാ അല് ഫഹല് തുറമുഖത്തിന്റെ ഭാഗങ്ങളില് ഉണ്ടായ സ്ഫോടനത്തെത്തുടര്ന്നാണ് എണ്ണ കയറ്റുമതിയും വിതരണവും നിര്ത്തിവച്ചത്.
ഈ ടെര്മിനലില് നിന്ന് പ്രതിദിനം 800,000 മുതല് 900,000 ബാരല് വരെ ക്രൂഡ് ഓയില് ഒമാന് കയറ്റുമതി ചെയ്യുന്നുണ്ട്.
അതേസമയം മിഡില് ഈസ്റ്റ് സംഘര്ഷവും ഹോര്മുസ് കടലിടുക്ക് അടച്ചുപൂട്ടലും ഉണ്ടായിരുന്നിട്ടും, ഈ വര്ഷത്തെ ഓയില് ഡിമാന്ഡ് വര്ദ്ധ പ്രതിദിനം 1.2 ദശലക്ഷം ബാരലില് തന്നെയാവുമെന്ന നിലപാടിലാണ് തങ്ങളെന്ന് ഒപെക് സെക്രട്ടറി ജനറല് ഹൈതം അല് ഗൈസ് പറഞ്ഞു.
യുഎസ് നാവിക ഉപരോധം മൂലമാണ് ഇറാനിയന് എണ്ണ കയറ്റുമതി ആറ് വര്ഷത്തെ ഏറ്റവും താഴ്ന്ന നിലയിലേക്ക് താഴ്ന്നതെന്ന് ഷിപ്പിംഗ് ഡാറ്റ പറയുന്നു. എന്നിരുന്നാലും ചൈനയിലെ ദുര്ബലമായ ഡിമാന്ഡ് എണ്ണയുടെ വില താഴ്ത്തി.
