യാങ്കോണ്‍: വടക്കുകിഴക്കന്‍ മ്യാന്‍മറിലുണ്ടായ സ്‌ഫോടനത്തില്‍ നാല്‍പ്പതോളം പേര്‍ മരിച്ചു. മ്യാന്‍മറിലെ ശക്തമായ വിമത ഗ്രൂപ്പുകളിലൊന്നായ ടാങ് നാഷണല്‍ ലിബറേഷന്‍ ആര്‍മി നിയന്ത്രിക്കുന്ന പ്രദേശത്താണ് സ്‌ഫോടനങ്ങള്‍ നടന്നത്. കൂടുതല്‍ സ്വയംഭരണത്തിനായി പതിറ്റാണ്ടുകളായി ഈ സംഘടന പോരാടിവരികയാണ്.ചൈനയുടെ അതിര്‍ത്തിക്കടുത്താണ് ഈ പ്രദേശം. വിമത സൈന്യത്തിന്റെ നിയന്ത്രണത്തിലുള്ള വെടിമരുന്ന് സംഭരണശാലയിലാണ് സ്‌ഫോടനം നടന്നത്.
സ്‌ഫോടനത്തില്‍ നിരവധി വീടുകള്‍ക്ക് കേടുപാടുകള്‍ സംഭവിച്ചു, രക്ഷാപ്രവര്‍ത്തനങ്ങള്‍ തുടരുകയാണ്.
ആശുപത്രി കണക്കുകള്‍ പ്രകാരം മരണസംഖ്യ 39 ആണെന്നും 75 പേര്‍ക്ക് പരിക്കേറ്റുവെന്നും ലിബറേഷന്‍ ആര്‍മി വക്താവ് പറഞ്ഞു.
റൂബി സമ്പന്നമായ ഖനികള്‍ക്ക് പേരുകേട്ടതാണ് ഈ പ്രദേശം.
