ആലുവ : അനധികൃതമായി വിൽപ്പനയ്ക്ക് സൂക്ഷിച്ച നാൽപ്പത്തിരണ്ടര ലിറ്റർ മദ്യം ഞാറയ്ക്കൽ പോലീസ് പിടികൂടി. ഇതുമായി ബന്ധപ്പെട്ട് എളങ്കുന്നപ്പുഴ കൊടുത്താളിപ്പറമ്പിൽ ഇമ്മാനുവൽ നിജോഷ് (21) എളങ്കുന്നപ്പുഴ കളരിക്കൽ വീട്ടിൽ ഗ്രീഷ്മ (26) എന്നിവരെ അറസ്റ്റ് ചെയ്തു.
ജില്ലാ പോലീസ് മേധാവി ഡോ.വൈഭവ് സക്സേനയ്ക്ക് ലഭിച്ച രഹസ്യവിവരത്തെ തുടർന്ന് വളപ്പ് ഭാഗത്തുള്ള ബിപീഷ് എന്നയാളുടെ വീട്ടിലും പരിസരത്തും നടത്തിയ പരിശോധനയിൽ 85 അരലിറ്ററിന്റെ മദ്യകുപ്പികളാണ് കണ്ടെടുത്തത്. ബിപീഷിന്റെ കിടപ്പുമുറിയിലും പരിസരത്തുള്ള വീടിന്റെ ടെറസിലും പറമ്പിലുമായി സൂക്ഷിച്ച നിലയിലാണ് മദ്യകുപ്പികൾ കണ്ടെടുത്തത്.
വിവിധ ബ്രാൻഡുകളിലുള്ള മദ്യമുണ്ടായിരുന്നു. ആഘോഷങ്ങളുടെ ഭാഗമായും, അവധി ദിവസങ്ങളിലും വിൽപ്പനയ്ക്ക് ശേഖരിച്ച മദ്യമാണ് മുനമ്പം ഡിവൈഎസ്പി എൻ.എസ് സലീഷിന്റെ നേതൃത്വത്തിൽ പിടിച്ചെടുത്തത്.
ഇൻസ്പെക്ടർ സുനിൽ തോമസ്, സബ് ഇൻസ്പെക്ടർമാരായ അഖിൽ വിജയകുമാർ, കെ.കെ ദേവരാജ്, എ.എസ്.ഐ കെ.റ്റി ഗിരിജാവല്ലഭൻ , സീനിയർ സി.പി.ഒ മാരായ ജി.എസ് ചിത്ര, ടി.ബി ഷിബിൻ, ധനുഷ് ,സി.പി ഒ മാരായ ശരത്, വി.എസ് സ്വരാഭ്, വി.കെ. ലെനീഷ്, റ്റി.എസ് ശാലിനി എന്നിവരാണ് പരിശോധനയ്ക്കുണ്ടായിരുന്നത്.
