ടാക്സി കൊക്കയിലേക്ക് വീണ് പത്ത് പേര്‍ക്ക് ദാരുണാന്ത്യം; അപകടം ജമ്മു-ശ്രീനഗര്‍ ദേശീയ പാതയില്‍

റമ്പാന്‍ (ജമ്മു കശ്മീര്‍): ജമ്മു-ശ്രീനഗര്‍ ദേശീയ പാതയില്‍ പാസഞ്ചര്‍ ടാക്സി ആഴത്തിലുള്ള കൊക്കയിലേക്ക് മറിഞ്ഞ് പത്തോളം പേര്‍ മരിച്ചു. പോലീസും സ്റ്റേറ്റ് ഡിസാസ്റ്റര്‍ റെസ്പോണ്‍സ് ഫോഴ്സും സിവില്‍ ക്വിക്ക് റെസ്പോണ്‍സ് ടീമും രക്ഷാപ്രവര്‍ത്തനം ആരംഭിച്ചിട്ടുണ്ട്. രക്ഷാപ്രവര്‍ത്തനം പുരോഗമിക്കുകയാണെന്ന് ജമ്മു കശ്മീര്‍ പോലീസ് വ്യക്തമാക്കി.

ഇന്നു പുര്‍ച്ചേ ഒരു മണികഴിഞ്ഞപ്പോഴാണ് അപകടം ഉണ്ടായത്. റോഡപകടത്തെക്കുറിച്ച് അറിഞ്ഞതിന് പിന്നാലെ റംബാന്‍ ഡെപ്യൂട്ടി കമ്മീഷണര്‍ ബസീര്‍-ഉള്‍-ഹഖുമായി താന്‍ സംസാരിച്ചുവെന്ന് കേന്ദ്രമന്ത്രി ജിതേന്ദ്ര സിംഗ് പറഞ്ഞു. അദ്ദേഹം അധികൃതരുമായി നിരന്തരം ബന്ധപ്പെടുന്നുണ്ടെന്ന് കൂട്ടിച്ചേര്‍ത്തു.

Spoke to DC #Ramban Sh Baseer-ul-Haq after learning about the tragic road accident in which a passenger taxi rolled down a deep gorge on the Jammu-Srinagar National Highway near Battery Chashma leading to
1/2

— Dr Jitendra Singh (मोदी का परिवार) (@DrJitendraSingh) March 29, 2024

ജമ്മു-ശ്രീനഗര്‍ ദേശീയ പാതയിലെ ബാറ്ററി ചഷ്മയ്‌ക്ക് സമീപമുള്ള ഒരു പാസഞ്ചര്‍ ടാക്‌സി ഒരു ആഴത്തിലുള്ള തോട്ടിലേക്ക് മറിഞ്ഞു. പോലീസും എസ്ഡിആര്‍എഫും സിവില്‍ ക്യുആര്‍ടി റംബാനും സ്ഥലത്തെത്തി; രക്ഷാപ്രവര്‍ത്തനം തുടരുകയാണെന്നും ജമ്മു കശ്മീര്‍ പോലീസിലെ ഒരു ഉദ്യോഗസ്ഥന്‍ പറഞ്ഞു.