തിരുവനന്തപുരം: ഹിന്ദു- മുസ്ലിം വിഭജനം സൃഷ്ടിച്ച് വിദ്വേഷം വളര്ത്താന് മുഖ്യമന്ത്രി പിണറായി വിജയന് ശ്രമിച്ചതിനാല് അദ്ദേഹത്തെ ലോക്സഭാ തെരഞ്ഞെടുപ്പ് പ്രചാരണ യോഗങ്ങളില് നിന്ന് വിലക്കണമെന്ന് ആവശ്യം. ഇക്കാര്യം ആവശ്യപ്പെട്ട് കേന്ദ്ര തെരഞ്ഞെടുപ്പ് കമ്മീഷന് പരാതി നല്കി.
മലപ്പുറത്ത് ഇടതുമുന്നണി സംഘടിപ്പിച്ച ഭരണഘടനാ സംരക്ഷണ റാലിയിലെ മുഖ്യമന്ത്രിയുടെ പ്രസംഗത്തിനെതിരെ ബിജെപി സംസ്ഥാന എക്സിക്യൂട്ടീവ് അംഗം കെ കെ സുരേന്ദ്രനാണ് പരാതി നല്കിയത്. മുസ്ലിം സമുദായത്തിനിടയില് ഭയവും വെറുപ്പും വളര്ത്തുക എന്ന ലക്ഷ്യത്തോടെയാണ് മുഖ്യമന്ത്രി പ്രസംഗിച്ചതെന്ന് പരാതിയില് കുറ്റപ്പെടുത്തുന്നു.
നിയമത്തിന്റെ ബലത്തില് മുസ്ലിങ്ങള്ക്ക് ഇന്ത്യയില് ജീവിക്കാന് കഴിയില്ലെന്നാണ് മുഖ്യമന്ത്രി പറഞ്ഞതെന്ന് പരാതിയില് കുറ്റപ്പെടുത്തുന്നുണ്ട്. ജനങ്ങളെ തെറ്റിദ്ധരിപ്പിക്കുന്ന പ്രസംഗമാണ് മുഖ്യമന്ത്രി നടത്തിയതെന്നും പരാതിയിലുണ്ട്.
