തിരുവനന്തപുരം: തലസ്ഥാന നഗര മധ്യത്തില് ടിപ്പര് അപകടത്തില് യുവാവിന് ദാരുണാന്ത്യം. ബുധനാഴ്ച വൈകിട്ട് പനവിള ജംഗ്ഷനിലാണ് അപകടം. മലയന്കീഴ് സ്വദേശി സുധീറാണ് മരിച്ചത്. അധ്യാപകനാണ് സുധീര്.
തമ്പാനൂര് ഭാഗത്തുനിന്നുവന്ന ടിപ്പര് ബൈക്ക് യാത്രികനെ ഇടിച്ചു.ടിപ്പറിനടിയിലേക്ക് സുധീര് ഓടിച്ചിരുന്ന വാഹനം വീഴുകയായിരുന്നു. അപകടത്തെതുടര്ന്ന് ഇയാളെ തിരുവനന്തപുരം മെഡിക്കല് കോളജില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല.
ഇന്നലെയാണ് തിരുവനന്തപുരത്ത് ടിപ്പര് ലോറിയില്നിന്ന് കല്ല് വീണ് ബിഡിഎസ് വിദ്യാര്ഥി മരിച്ചത്. വിഴിഞ്ഞം മുക്കോല സ്വദേശി അനന്തുവാണ് മരിച്ചത്. നിംസ് കോളജിലെ നാലാം വര്ഷ വിദ്യാര്ഥിയായിരുന്നു അനന്തു.
