റാഞ്ചി: ജാര്‍ഖണ്ഡ് മുക്തിമോര്‍ച്ച (ജെഎംഎം) ദേശീയ ജനറല്‍ സെക്രട്ടറി സീത സോറന് മുര്‍മു ബിജെപിയില്‍ ചേര്‍ന്നു.മുന്‍ എംഎല്‍എ ആയ സീത സോറന് ജാര്‍ഖണ്ഡ് മുന്‍ മുഖ്യമന്ത്രി ഹേമന്ദ് സോറന്റെ സഹോദര ഭാര്യയാണ്.
പാര്‍ട്ടിയുടെ ദേശീയ ജനറല്‍ സെക്രട്ടറി സ്ഥാനം രാജിവക്കുന്നതായി കാട്ടി ഭര്‍തൃപിതാവും ജെഎംഎം ദേശീയ അധ്യക്ഷനുമായ ഷിബു സോറന് സീത, കത്ത് നല്‍കി. ഭര്‍ത്താവ് ദുര്‍ഗാ സോറന്റെ മരണശേഷം താനും കുടുംബവും പാര്‍ട്ടിയില്‍ അവഗണന നേരിടുകയാണെന്ന് സീത കത്തില്‍ പറയുന്നു.
ബിജെപി സ്ഥാനര്‍ത്ഥിയായി സീത സോറന് ലോക്‌സഭയിലേക്ക് മത്സരിക്കുമെന്നാണ് റിപ്പോര്‍ട്ടുകള്‍.
തന്റെ ഭര്‍ത്താവ് മികച്ച രീതിയില്‍ വളര്‍ത്തിയ പാര്‍ട്ടി ആദര്‍ശങ്ങളില്‍നിന്നും മൂല്യങ്ങളില്‍നിന്നും വ്യതിചലിച്ചുവെന്ന് സീത കത്തില്‍ ചൂണ്ടിക്കാട്ടി.
