വില്ലുപുരം : ഏപ്രിൽ 19ന് നടക്കുന്ന ലോക്സഭാ തെരഞ്ഞെടുപ്പിൽ തമിഴ്നാട്ടിൽ ഡോ.എസ്. രാമദോസിന്റെ നേതൃത്വത്തിലുള്ള പട്ടാളി മക്കൾ പാർട്ടിയുമായി (പിഎംകെ) ബിജെപി ചൊവ്വാഴ്ച സീറ്റ് പങ്കിടുന്ന ചർച്ച വിജയിച്ചു. പ്രാദേശിക പാർട്ടിക്ക് 10 സീറ്റുകൾ അനുവദിച്ചു കരാർ ഉറപ്പിച്ചു.
ബിജെപി സംസ്ഥാന അധ്യക്ഷൻ കെ. അണ്ണാമലൈയും പിഎംകെ സ്ഥാപകൻ രാമദോസും തൈലാപുരത്തെ വസതിയിൽ വച്ചാണ് കരാർ ഒപ്പിട്ടത്. വണ്ണിയർ സമുദായത്തിന് ആധിപത്യമുള്ള പാർട്ടിയാണ് പിഎംകെ.
സംസ്ഥാനത്തിന്റെ ചില വടക്കൻ ജില്ലകളിൽ അവർക്ക് കാര്യമായ സ്വാധീനമുണ്ട്. ഈ പ്രദേശങ്ങളിൽ ബിജെപിക്ക് കൂടുതൽ കരുത്തേക്കാൻ പിഎംകെ പാർട്ടിക്ക് കഴിയുമെന്നാണ് ബിജെപി നേതൃത്വം വിലയിരുത്തുന്നത്.
