കാസര്കോട്: മംഗലാപുരത്ത് നിന്ന് കണ്ണൂരിലേക്ക് പോകുന്ന മെഹബൂബ് ബസ് ചാലിങ്കാലില് നിയന്ത്രണം വിട്ട് ബസ് മറിഞ്ഞ് ഡ്രൈവര് മരിച്ചു. ഇരുപതോളം പേര്ക്ക് പരിക്കേറ്റു. ഇതില് ഒരാളുടെ നില ഗുരുതരമാണ്.
പരിക്കേറ്റവരെ കാഞ്ഞങ്ങാട് ജില്ലാ ആശുപത്രിയിലേക്ക് മാറ്റി. കാസര്കോട് മധൂര് രാംനഗര് സ്വദേശി ചേതന് കുമാര് (37) ആണ് മരിച്ചത്. മൃതദേഹം ജില്ലാ ആശുപത്രിയിലേക്ക് മാറ്റി.
ദേശീയപാതയിലാണ് അപകടം .ഇതേ തുടര്ന്ന് ഈ ഭാഗത്ത് ഗതാഗതം തടസപ്പെട്ടു. ബസിലുണ്ടായിരുന്ന എല്ലാവരെയും ഇവിടെ നിന്ന് മാറ്റിയ ശേഷം ്ഗ്നിശമന സേന എത്തിച്ച ക്രെയിന് ഉപയോഗിച്ച് ബസ് റോഡരികിലേക്ക് മാറ്റി.
